Словы Лукашэнкі й рэальныя лічбы :: Хартыя'97 :: Навiны

“У мінулы год быў перавышаны ўзровень дакрызыснага 1999 года (самага эфектоўнага ў пляне эканамічных паказальнікаў савецкай эпохі) па аб’ёму вытворчасьці...”, -- заявіў Лукашэнка на другім Усебеларускім народным сходзе. Але ні пры якім узроўні 1990 года й размовы быць ня можа. Напрыклад, у выторчасьці электраэнэргіі мы сёньня на ўзроўні 1975 года, па трактарах і аўтамабілях у лепшым выпадку сярэдзіны 50-х гадоў.

Возьмем афіцыйныя даведнікі й параўнуем. У выніку высьветліцца, што тэза “мы паднялі нацыю кален...”, мягка кажучы, сумнеўная. Да не толькі паднялі, а яшчэ глыбей загналі ў бездань. За апошнія сем гадоў дзяржава правалілася ў куды больш глубокую яміну, чым пра мінулай уладзе. Вось некалькі лічбаў для новых агітатараў і па ўсіх галінах.

Вытворчасьць некаторых асноўных відаў прамысловай прадукцыі ў натуральным выражэньні ў 1990 годзе: металарэжучыя станкі – 15460 штук ( у 1993 – 10338, у 2000 – 5343), грузавыя аўтамабілі 42 тысячы штук (у 1993 – 30,8 тысячаў, у 2000 – 14,7 тысячаў), кормоуборачныя камбайны, 9503 штук (у 1993 – 4302, у 2000 – 323), цэгла будаўнічая – 2331 мільёнаў штук (у 1993 – 2004, у 2000 – 805, 4) .

Паверце, вы пабачыце амаль такую ж карціну. Мы ўзялі 1993 год толькі таму, што ў сваёй прадвыбарчай праграме Лукашэнка казаў пра страшны спад у эканоміцы менавіта напярэдадні прэзыдэнцкіх выбараў.

Грамадзяне прапагандысты! Зайдзіце ў цэх да станкабудаўнікоў і скажыце ім, што яны выпускаюць сёньня болей, чым у 1990 годзе, а яшчэ лепш, наведайце камбайнабудаўнікоў у Гомлю і паспрабуйце іх пераканаць, што 323 камбайна – гэта больш, чым дзевяць з паловаю тысячаў. Калі пераканаеце жадаючых атрымаць, пабудаваць жыльлё, што калі ў нас цэглы ў тры разы меней і ў паўтары разы меней цэменту, то кватэраў мы пабудуем боле, чым “у самым эфектоўным ў пляне эканамічных паказчыкаў савецкай эпохі” 1990 годзе.

Помніцца, калі герой бесьсьмяротнага твора Яраслава Гашэка бравы салдат Швейк сустрэў у псыхушцы аднаго настаўніка. Бяда якога заключалася ў тым. Што ён сьцьвярджаў, нібы ўнутры зямнога шара ёсьць яшчэ адзін, але толькі большы за першы. Небараку адправілі лячыцца.