На расейска-беларускі кампутар няма грошаў :: Хартыя'97 :: Навiны

Асноўныя цяжкасьці ў рэалізацыі праграмы Саюзнай дзяржавы "Распрацоўка і асваеньне ў серыйнай вытворчасьці сямейства высокапрадукцыйных вылічальных сыстэмаў з паралельнай архітэктурай (суперкампутэраў) і стварэньне прыкладных праграмна-апаратных комплексаў на іх аснове" зьвязаны зь яе недастатковым і нерытмічным фінансаваньнем. Пра гэта заявіў начальнік адміністрацыйнага дэпартамента Пастаяннага камітэта СД Сяргей Мартысюк на сэмінарыў Менску, што адбыўся 13 чэреня. Паводле ягоных словаў, фінансаваньне праграмы "СКІФ", вядзецца за кошт сродкаў бюджэту «саюзнай дзяржавы», уласных сродкаў прадпрыемстваў і арганізацыяў, якія бяруць удзел у ёй, а таксама за кошт сродкаў трэціх краінаў.

Мартысюк паведаміў, што ўсяго на рэалізацыю праграмы, разлічанай на 2000-2003 гады, з саюзнага бюджэту павінна быць выдзелена 319 мільёнаў 400 тысяч расійскіх рублёў, пры гэтым доля Расеі складае 157.400.000 рублёў, Беларусі -- 162.000.000 рублёў. Агульная сума эквівалентная прыкладна 11 мільёнам долараў па курсе на пачатак чэрвеня. Разам з тым ЗША на нацыянальную праграму стварэння кампутараў звышвысокай прадукцыйнасьці выдзелілі больш за 4 мільярды даляраў.

У 2000 годзе фінансаваньне праграмы "СКІФ" было прадугледжана ў аб`ёме каля 24 мільёнаў рублёў (РФ -- 13.700.000, РБ -- 10.000.000) і пачалося ў сярэдзіне года, аднак па стане на 31 сьнежня з бюджэту паступіла толькі 69 адсткаў сродкаў ад заплянаванага. Расея свае абавязацельствы выканала цалкам, Беларусь -- на 29,7 адсоткі.

На 2001 год, па словах Мартысюка, фінансаваньне заплянавана зь вялікім дэфіцытам. Усяго павінна быць выдзелена 52 мільёны 600 тысяч рублёў, з якіх доля Расеі складае 35.700.000, доля Беларусі - 16.900.000 рублёў. Такім чынам, за два гады рэалізацыі праграмы павінна быць асвоена ўсяго каля 80 з 319 мільёнаў рублёў.