Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Участковы міліцыянт Маскоўскага РУУС Дзьмітрыеў У.Л. быў пазбаўлены прэміі на падставе скаргі актывітса моладзевага руху ЗУБР Нікіты Сасіма. Дзьмітрыеў затрымаў Нікіту 5 траўня за распаўсюд спэцвыпуску газэты “Наша свабода”. У яго былі канфіскаваны 180 асобнікаў газэты. За незаконнае затрыманьне зубр падаў скаргу на імя начальніка Маскоўскага РАУС. Начальства не ацаніла залішняга парываньня работніка міліцыі, і за парушэньне закону пакінула яго бяз прэміі. Будзем спадзявацца, гэта стане ўрокам для ўсіх “стражаў парадку”, якія яшчэ не зразумелі, што йдуць новыя ЧАСЫ.
Сёньня многія незалежныя эспэрты й палітычныя назіральнікі шукаюць адказу на пытаньне, якім чынам Аляксандру Лукашэнку ўдаецца фінансава пітаць свае піараўскія акцыі падчас дэ-факта прэзыдэнцкай кампаніі, якая ўжо пачалася. Напрыклад, ІІ Усебеларускі сход, па некаторых зьвестках, абыйшоўся ў 300 тыс.даляраў. Гэта пры тым, што сход “пераможцаў” ня быў запрграмаваны пры распрацоўцы дзяржаўнага бюджэту на 2001 год. Як і разрэклямаванае павышэньне заробкаў у гэтым годзе да 100 даляраў. І, нарэшце, наўрадці, выдзяляючы дастаковую суму з кішэні падаткаплацельшчыка на патрэбы дзяржаўных СМІ, плянавалася, што ейная вялікая частка (калі не асноўная) пойдзе на фінансаваньне “шэдэўраў” Азаронка, Зімоўскага, Новікава і К°.
Расейскія СМІ, такія як КоммерсантЪ, Lenta.ru, Gazeta.ru і іншыя сродкі масавай інфармацыі актыўна адрэфліксіравалі на сэнсацыйны ліст сьледчых пракуратуры, якія заявілі пра дытычнасьць беларускіх уладаў да выкраданьняў і забойстваў вядомых людзей. Gazeta.ru, напрыклад, апублікавала матэрыял пад назовам “Прэзыдэнт камандуе каральным атрадам”. “ Аляксандар Лукашэнка можа стаць ахвяраю палітычнага скандылю й прайграць прэзыдэнцкія выбары, перамогу ў якіх пакуль прадказваюць яму ўсе прагнозы. У панядзелак беларускія газэты й правабарончыя арганізацыі атрымалі па электроннай пошце лісты з прызнаньнямі супрацоўнікаў пракуратуры пра тое, што шматлікія выкраданьні людзей у Беларусі праводзіліся па заказу прэзыдэнта. Па фурору, які выклікала публікацыя прызнаньняў служачых пракуратуры, яго ўжо супастаўляюць з украінскаю справаю Гангадзэ”, -- піша Gazeta.ru.
Рэгістрацыя ініцыятыўных групаў будучых прэтэндэнтаў на вышэйшы дззяржаўны пост Беларусі сёньня сканчваецца. У агуле балятавацца ў прэзыдэнты зьбіраюцца 17 чалавек. Да 21 чэрвеня Цэнтральная камісія абавязана аб’явіць ягоныя вынікі, бо менавіта з гэтага дня пачынаецца другі перыяд прадвыбарчага марафону – збор подпісаў у падтрымку кандыдатаў.
Лідэр Аб’яднанай грамадзянскай партыі Анатоль Лябедзька быў затрыманы сёньня ў Дзяржынску (Менская вобласьць) падчас чарговай акцыі АГП, што праходзіць у рамках кампаніі “Хочам ведаць праўду!” На А.Лябедзьку й чацьвярых актывістаў АГП у Дзяржынску зладзілі сапраўдную “аблаву” – для іхняга затрыманьня прыгналі 8 аўтамабіляў, набітых супрацоўнікамі праваахоўчых ворганаў з сабакамі.
На днях намесьнік главы Адміністрацыі прэзыдэнта Юры Сівакоў выказаў выбраным журналістам сваю думку пра скандальнае інтэрвію сьледчых пракуратуры З.Петрушкевіча і А.Случака аб зьнікненьні вядомых людзей. Натуральна, былы міністар унутраных справаў катэгарычна адмаўляе сваю датычнасьць да магчымых забойстваў Юры Захаранкі, Віктара Ганчара, Анатоля Красоўскага й Зьміцера Завадзкага.
Учора Аляксандар Лукашэнка падаў у Цэнтрвыбаркам заяву аб рэгістрацыі ініцыятыўнай групы па вылучэньню яго кандыдатам у прэзыдэнты Беларусі. А напярэдадні ён амаль пазбавіўся ад асноўнага суперніка – Наталі Машэравай. Зараз ягонай перамогу на выбарах 9 верасьня можа перашкодзіць толькі скандаль па мадэлі ўкраінскай справы Гангадзэ, які зараз распальваецца ў Беларусі.
Падача Аляксандрам Лукашэнкам заявы аб рэгістрацыі ягонай групы можа быць анулявана з-за грубага парушэньня закону: раніцай 14 чэрвнея, падчас наведаваньня Цэнтрвыбаркаму, у памяшканьні ЦВК не дапусьцілі незалежных журналістаў. Паміж тым, па словах сакратара ЦВК Мікалая Лазавіка, старшыня Лідзія Ярмошына запэўніла прэзыдэнта ў тым, што камісія будзе дзейнічаць строга ў рамках дзейнага заканадаўства й Канстытуцыі Рэспублікі Беларусь.
"Я никого не пытаюсь прессинговать, но после выборов мы подумаем, с кем работать",-- заявіў Лукашэнка. Па ягоных словах, апазыцыя рэклямуе сябе за грошы праз расейскія СМІ. Хаця Лукашэнка лічыць, што гэта толькі павялічвае ягоны ўласны рэйтынг.
Амбасадар Беларусі ў Латвіі Міхаіл Марыніч - адзін з патэнцыйных кандыдатаў у прэзыдэнты Рэспублікі Беларусь заявіў, што ў выпадку свайго абраньня кіраўніком дзяржавы першым дакумантам, які ён падпіша, стане ўказ аб стварэньні прэзыдэнцкае рады. 14 чэрвеня Міхаіл Марыніч заявіў, што ў выпадку сваёй перамогі ён прапануе ўвайсьці ў будучую прэзыдэнцкую раду ўсім пяцём кандыдатам ад шырокай грамадзянскай кааліцыі - Уладзіміру Ганчарыку, Сямёну Домашу, Сяргею Калякіну, Паўлу Казлоўскаму і Міхаілу Чыгіру.
Сьпіс у складзе 1 тысячы 976 чалавек перадаў 14 чэрвеня Леанід Сініцын. Кіраўніком ягонай ініцыятыўнай групы зьяўляецца Ўладзімер Сьцяпанаў – былы намесьнік старшыні Брэсцкага аблвыканкаму, ён таксама зьяўляецца кіраўніком выбарчага штабу Леаніда Сініцына. На пытаньне, чаму ў ягонай групе менавіта 1 тысяча 976 чалавек, патэнцыйны кандыдат у прэзыдэнты адказаў: "У 1976 году я ажаніўся, і ў гэтым годзе мы з жонкаю адзначаем срэбнае вясельле".
Усяго 392 чалавекі ёсьць у складзе ініцыятыўнай групы патэнцыйнага кандыдата на пост прэзыдэнта Аляксея Ляшко. Аляксей Аляксеевіч Ляшко зьяўляецца дырэктарам таварыства з абмежаванай адказнасьцю “Ліпень”, якое знаходзіцца ў Гомлі. Ён нарадзіўся ў 1949 годзе, па спэцыяльнасьці інжынэр-будаўнік.
Прадпрымальнікі Менску й Менскага раёну зьбіраюцца сыйсьці ў забастоўку, калі ўлады не перагледзяць свае адносіны да іхняй дзейнасьці. Людзі апынуліся ў пастцы: з аднаго боку яны ня могуць кінуць справу, у якую ўкладзена столькі сілай і сродкаў, з другога – становіцца немагчымым працаваць ў такіх умовах, у якія паставіла прадпрымальнікаў дзяржава. Плата за арэнду вырасла на 40% і складае за 4 кв.м. 120-180 даляраў, падаткі падняліся ў два разы (70даляраў).
, iнформэр
