Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кандыдат Марыніч абяцае нейкую Раду 11:04, 15/06/2001
Амбасадар Беларусі ў Латвіі Міхаіл Марыніч - адзін з патэнцыйных кандыдатаў у прэзыдэнты Рэспублікі Беларусь заявіў, што ў выпадку свайго абраньня кіраўніком дзяржавы першым дакумантам, які ён падпіша, стане ўказ аб стварэньні прэзыдэнцкае рады. 14 чэрвеня Міхаіл Марыніч заявіў, што ў выпадку сваёй перамогі ён прапануе ўвайсьці ў будучую прэзыдэнцкую раду ўсім пяцём кандыдатам ад шырокай грамадзянскай кааліцыі - Уладзіміру Ганчарыку, Сямёну Домашу, Сяргею Калякіну, Паўлу Казлоўскаму і Міхаілу Чыгіру.
Адзін з супрацоўнікаў выбарчага штабу Марыніча, Іван Пашкевіч так пракамэнтаваў БелаПАН гэты крок: "Сваю прапанову "пяцёрцы" Міхаіл Марыніч робіць не таму, што гэтыя людзі вырашылі балятавацца ў прэзыдэнты, а таму, што гэта вядомыя палітыкі, якія шмат робяць для росквіту сваёй краіны".
Пашкевіч таксама паведаміў, што "прэзыдэнцкая рада мысьліцца як сталая структура дзяржаўнага кіраваньня, па сваім статусе роўная да Савету бясьпекі".
, iнформэр
