Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Новы інфармацыйны сайт пра Беларусь даступны ўжо зараз па адрэсе www.belarusupdate.org Сайт разьлічаны на самую разнастайную публіку. Матэрыялы сайту можна прачытаць на расейскай і на ангельскай мовах. Аўтары плянуюць выходзіць са штотыднёвым абнаўленьнем старонак сайту і разьмяшчаць на ім самыя ўдалыя й актуальныя артыкулы зь беларускай незалежнай прэсы.
Папулярны расейскі тэлевядучы Ўладзімер Познэр выступіў з рэзкай крытыкай у адрэсу Лукашэнкі за тое, што той абвінаваціў яго ў атрыманьні платы ад “пяцёркі” дэмакратычных кандыдатаў у прэзыдэнты Беларусі. На мінулым тыдні А.Лукашэнка, калі наведваў завод імя Вавілава, заявіў, што за ўдзел у праграме ГРТ “Времена” Павал Казлоўскі, Сямён Домаш, Сяргей Калякін і Міхаіл Чыгір заплацілі 240 тысячаў даляраў. У сваім камэнтары заявы Лукашэнкі, Познэр сказаў: “Калі б мы жылі ў нармальных краінах, то я б прыцягнуў бы спадара Лукашэнку да суда, і ён заплаціў бы мне значна болей, чым 240 тысячаў даляраў”.
Кіраўнік Віцебскай арганізацыі КХП-БНФ Уладзімер Плешчанка аштрафаваны судом на 150 мінімальных заробкаў за арганізацыю несанкцыянаванага пікету, паведамляе Радыё Рацыя. Прысуд вынесены, нягледзячы на спробы Плешчанкі даказаць, што ў ягоных дзеяньнях (распаўсюд улётак і хаджэньне з плякатам) адсутнічалі асаблівасьці пікету, выкладзеныя ў заканадаўстве й сьведчаньнях міліцыянта, які, як высьвятлілася на судзе, сьведчыў па загаду “зьверху”.
Некалькі зянітных ракетных дывізыёнаў СПА Беларусі, якія забясьпечаны комплексамі С-200, на самалётах Іл-76 перакідваюцца ў Забайкальле, дзе на расейскім палігоне Тэлемба ваенаслужачыя правядуць тактычныя навучаньні з баявымі пускамі ракетаў. Як стала вядома, беларускія зянітчыкі ўпершыню выязджаюць на палігон, разьмешчаны непадалёк ад Чыты. Расейскі бок бясплатна прадаставіў авіяцыю, мішэні, ракеты. Навучаньні працягнуцца да канца гэтага тыдня.
Па дадзеных Міністэрства адукацыі на 10 чэрвеня запазычанасьць па заробку ў сфэры навукі й адукацыі склала па рэспубліцы 5 млрд. 236 млн. 800 тысячаў рублёў. Але, як сьцьвярджае намесьнік старшыні беларускага прафсаюзу работнікаў адукацыі й навукі Алена Морава, да гэтай сумы трэба дадаць яшчэ 3 млрд. 758 млн. 300 тысячаў рублёў, якія ня выплачаны педагогам Магілёўскай вобласьці. Больш за 3,6 тысячаў чалавек сыйшло ў адпачынак бяз грошай.
Адпаведны загад быў прыняты літаральна на днях. Сярод прычынаў пераходу на трохдзённы працоўны тыдзень у загадзе названы зьніжэньне аб’ёмаў рэалізацыі выпускаемай прадукцыі, пратэрміноўка паступленьняў грашовых сродкаў і г.д. У радыёэлектроннай прамысловасьці 3-4 дні ў тыдзень працуюць менскі завод “Калібр” і віцебскі “Віцязь”, Менскі прыборабудаўнічы завод, НДІ ЭВМ, Гомельскі радыёзавод і завод “Ратон”, віцебскія прадпрыемствы “Эвістор” і “Моналіт”.
Паводле зьвестак на 15 чэрвеня агульная сума доўгу па заработнай плаце работнікам сельскай гаспадаркі Магілёўскай вобласьці складае 750 мільёнаў рублёў. Пра гэта паведаміў на прэсвай канферэнцыі намесьнік старшыні Магiлёўскага аблвыканкаму Аляксандр Дубко.
Паводле зьвестак на 1 траўня, у кансалідаваны бюджэт Беларусі паступіла 1 трыльён 550,2 мільярды рублёў, што складае 97,5 адсоткі ад пляну. Аднак у Гарадзенскай (87,5 адсоткі) і Магілёўскай (88,5 адсоткі) абласьцях ня выкананы плянавыя заданьні па мясцовых бюджэтах.
Буйны спэцыяліст у вобласьці радыяцыйнай медыцыны, былы рэктар Гомельскага медычнага інстытута Юры Бандажэўскі прыгавораны сёньня да 8 гадоў пазбаўленьня волі з канфіскацыяй маёмасьці. Рашэньнем суда прафесар Бандажэўскі таксама пазбаўлены вайсковага званьня “падпалкоўнік медычнай службы ў запасе”, і яму напрацягу 5 гадоў пасьля адбыцьця пакараньня забаронена займаць пасады кіраўніка.
Ініцыятыўныя групы 10 патэнцыйных кандыдатаў у прэзыдэнты Беларусі былі зарэгітсраваны сёньня Цэнтрвыбаркамам. Рэгістрацыя ініцыятыўных групаў яшчэ 7 прэтэндэнтаў на пост прэзыдэнта перанесена на заўтра. Не прайшла сёньня рэгістрацыю толькі Ніна Лобава, бібліятэкар БДЭУ, якая прадаставіла ў Цэнтрвыбаркам сьпісы людзей, якія паняцьця ня мелі, што яны ўваходзяць у склад ейнай ініцыятыўнай групы.
Відэёзапіс інтэрвію супрацоўнікаў пракуратуры Беларусі Зьміцера Петрушкевіча й Алега Случака атрымалі 16 чэрвеня асабістыя карэспандэнты расейскіх тэлеканалаў НТБ і РТР. Сьледчыя стрымалі сваё слова й прадаставілі СМІ дакумэнты, фота- і відэёпадцьверджаньні сваіх абвінавачваньняў уладаў у выкраданьнях й забойствах вядомых на Беларусі людзей.
Нарэшце вызначылася колькасьць прэтэндэнтэў на пост прэзыдэнта Беларусі. У апошні дзень рэгістрацыі ініцыятыўных групаў патэнцыйных кандыдатаў, 15 чэрвеня, літаральна за гадзіну да сканчэньня працоўнага дня Цэнтрвыбаркаму, рэгістраваць свае ініцыятыўныя групы кінуліся самыя неверагодныя кандыдаты. Сярод іх ёсьць пенсыянэр, бібліятэкар і нават беспрацоўны. Такім чынам у барацьбу за прэзыдэнцкае крэсла пажадалі ўступіць 25 прэтэндэнтаў.
На 89-й сэсіі Міжнароднай канферэнцыі працы, якая праходзіць з 3 па 22 чэрвеня, прынята рашэньне аб унясеньні Беларусі ў спэцыяльны параграф. Прафсаюзы, працаўладкавальнікі й члены ўраду больш чым з 170 краінаў сьвету канстатавалі, што за мінулыя два месяцы з таго часу, як Адміністратыўны савет МАП найстойліва рэкамендаваў ураду Беларусі ўнесьці праўкі ў заканадаўства, што парушае працоўныя нормы ў краіне, сытуацыя толькі пагоршылася.
Пра гэта кажуць ня толькі налепкі й графіці, што зьяўляюцца з дня ў дзень па ўсім Барысаве, але й акцыя зуброў, праведзеная 15 чэрвеня. Некалькі дзесяткаў актывістаў руху ЗУБР зьяўляліся ў розных частках Барысаву. У лічаныя секунды хлопцы станавіліся ў шэраг. Трымаючы ў руках кожны па адным лісту з пэўнай літарай. Людзі, якія праходзілі побач, маглі прачатаць “Час выбіраць – жыць ці існаваць!”
Узбуджана крымінальная справа супраць намесьніка начальніка Маскоўскага РУУС Менску падпалкоўніка Андрэя Мухтарава. Яго падазраюць у атрыманьні хабару й злоўжываньні службовым становішчам. Мухтарава добра ведаюць актывісты апазыцыі. Ён затрымаліваў людзей падчас разгону дэманстрацыяў, а пасьля, калі іх судзілі, выступаў у якасьці сьведкі. Перасьлед апазыцыянэраў й стаў прычынаю ягонага хуткага кар’ернага росту падпалокоўніка, які да гэтага доўгі час служыў у Туркмэніі, паведамляе Радыё Свабода.
Аднаго з прэтэндэнтаў на пост прэзыдэнта Беларусі –- амбасадара ў Рызе Міхала Марыніча – ужо адхілілі ад пасады: замест яго прызначаны часовы паверанны ў справах Беларусі ў Латвііі. М. Марыніч пагадзіўся напісаць заяву аб адпачынку, але заявіў, што тое самае мусіць зрабіць дзейны прэзыдэнт Аляксандар Лукашэнка.
Міністэрства замежных справаў Польшчы ўзмацняе з 1 чэрвеня парадак перасячэньня ўсходніх краінаў для беларускіх аўтаперавозчыкаў. Пра гэта паведамілі “Інтэрфаксу” ў Беларускай асацыяцыі міжнародных перавозчыкаў са спасылкаю на консульскае ўпраўленьне МЗС Беларусі.
Прамысловасьць Магілёўскай вобласьці працягвае адставаць ад сваіх леташніх паказчыкаў аб`ёмаў выпуску прадукцыі. Паводле зьвестак статыстыкі, за 5 месяцаў гэтага года прадпрыемствы вырабілі прадукцыі на 2,3 адсоткі меней, чым за адпаведны перыяд 2000 года, пры прагнозе 104,8 адсоткі, паведамляе БелаПАН. Першы намесьнік старшыні аблвыканкаму Мікалай Жук выказаў заклапочанасьць тым фактам, што спад выпуску прадукцыі на прамысловых гігантах Магілёўшчыны ("Хімвалакно", "Белшына") адмоўна адбіваецца на папаўненьні даходнай часткі бюджэту, а значыць, і фінансаваньні бюджэтных праграмаў.
, iнформэр
