На пост прэзыдэнта Беларусі прэтэндуюць таксама пенсыянэры й беспрацоўныя :: Хартыя'97 :: Навiны

Нарэшце вызначылася колькасьць прэтэндэнтэў на пост прэзыдэнта Беларусі. У апошні дзень рэгістрацыі ініцыятыўных групаў патэнцыйных кандыдатаў, 15 чэрвеня, літаральна за гадзіну да сканчэньня працоўнага дня Цэнтрвыбаркаму, рэгістраваць свае ініцыятыўныя групы кінуліся самыя неверагодныя кандыдаты. Сярод іх ёсьць пенсыянэр, бібліятэкар і нават беспрацоўны. Такім чынам у барацьбу за прэзыдэнцкае крэсла пажадалі ўступіць 25 прэтэндэнтаў.

Гэта дырэктар Міжнароднага інстутыта мэнэджмэнту, дэпутат Вярхоўнага Савету 13-га скліканьня Віктар Цярэшчанка (у ягонай ініцыятыўнай групе – 6 069 чалавек); лідэр Ліберальна-дэмакратычнай партыі й блёку “Новая Беларусь – Адзінства” Сяргей Гайдукевіч (2 136); былы міністар абароны Павал Казлоўскі (1 609); віцэ-прэзыдэнт міжнароднай асацыяцыі “Абарона правоў чалавека” Мікалай Мекека (135); лідэр партыі камуністаў Беларускай Сяргей Калякін (2 076); дзейны прэзыдэнт Аляксандар Лукашэнка (3 830); лідэр Кансэрватыўна-Хрысьціянскай партыі –БНФ Зянон Пазьняк (1 429); лідэр арганізацыі “Рэгіянальная Беларусь" Сямён Домаш (3 756); дырэктар таварыства з абмежаванай адказнасьцю “Ліпень” Аляксей Ляшко (392); былы віцэ-прэм’ер ураду Леанід Сініцын (1 976); лідэр Федэрацыі прафсаюзаў Беларускай Уладзімер Ганчарык (4 067); Надзвычайны й Паўнамоцны Пасол Беларусі ў Латвіі, Эстоніі й Фінляндыі па сумяшчальніцтву Міхаіл Марыніч (811 чалавек); старшыня рэспубліканскага камітэту Беларускага прафсаюзу работнікаў аграпрымасловага комплексу Аляксандар Ярашук (1 210); інжынэр электроннай тэхнікі, юрыст, часова непрацоўны Канстанцін Канановіч (142), генэральны дырэктар ЗАТ “Атлант” Леанід Калугін (120); прадпрымальнік, афіцэр запасу КДБ Валянцін Семак (300); “дэпутат” Наталя Машэрава (1 2820; былы прэм’ер-міністар Беларусі Міхаіл Чыгір (1 485); загадчыца філіяй, бібліятэкар Беларускага дзяржаўнага эканамічнага ўнівэрсытэту Ніна Лобанава (364); старшыня стачкаму прадпрымальнікаў Валеры Леванеўскі (354); галоўны рэжысэр тэатра сатыры й гумару “Хрыстафор” Яўген Крыжаноўскі (135); дэпутат Мінгарсавету, прадпрымальнік Юры Данькоў (244); “дэпутат”, кіраўнік ЗАТ “Гандлёвы дом БелБабаеўскае” Сяргей Скрабец (170); пенсыянэр Уладзімер Лапцэвіч (212).

На дадзены момант Цэнтрвыбаркам зарэгістраваў 7 ініцыятыўных групаў па вылучэньню кандыдатамі на пост прэзыдэнта – Віктара Цярэшчанкі, Сяргея Гайдукевіча, Паўла Казлоўскага, Сяргея Калякіна, Мікалая Мекекi, Аляксандра Лукашэнкі й Зянона Пазьняка. Заяўкі астатніх прэтэндээнтаў Цэнтрывбаркам разгледзіць 18 чэрвеня.