Беларускі прэм’ер зноў ляціць у Ліван :: Хартыя'97 :: Навiны

Пытаньнямі разьвіцьця гандлёвых і эканамічных адносінаў паміж Беларусьсю й Ліванам прысьвечаны двухдзённы візыт у Ліван урадавай дэлегацыі Беларусі на чале з прэм’ер-міністрам Уладзімерам Ярмошынам, што пачынаецца ў аўторак.

Як паведамілі РІА "Новости" у прэсавай службе міністэрствы замежных справаў Беларусі, падчас візыту асноўная ўвага будзе надзяляцца распрацоўцы магчымасьці пашырэньня экспарту ў Ліван разнастайнага спэктру беларускай прадукцыі. Стварэньню сумесных прадпрыемстваў й пытаньням інвестыцыйнага супрацоўніцтва.

Праграма візыту прадугледжвае таксама сустрэчы з прэзыдэнтам Лівану Эміл Лахудам, прэм’ер-міністрам Лівану Рафікам Харыры, старшынём Палаты дэпутатаў Набіхам Бэрры, кіраўнікамі шэрагу міністэрстваў, дзелавымі колам Лівану.

Падчас візыту плянуецца падпісаньне міжурадавых пагадненьняў аб гандлёва-эканамічным супрацоўніцтве, аб пазьбяганьні падвойнага падаткаабкладаньня і пра судзейнічаньне ажыцьцяўленьню й узаемнай абароне інвестыцыяў.

У склад беларускай дэлегацыі уваходзяць прадстаўнікi шэрагу беларускіх міністэрстваў і прадпрыемстваў, што маюць рэальныя перспектывы прасоўваньня сваёй прадукцыі на ліванскім рынку.

Таваразварот паміж Беларусьсю й Ліванам за 4 месяцы 2001 года склаў 2 млн.641 тыс.даляраў, у тым ліку – экспарт 2 млн 640 тыс даляраў, імпарт – 1 тыс. даляраў.