“Палатка” ўзаконіла затрыманьне й прымусовую адбуксіроўку аўтамабіляў :: Хартыя'97 :: Навiны

Работнікі Дзяржаўтаінспекцыі маюць права прадпрымаць затрыманьне й прымусовую адбуксоўку транспартнага сродка, калі вадзіцель учыніў адміністратыўнае правапарушэньне. Праэкт закону "Аб
унясеньні зьменаў у Кодэкс Рэспублікі Беларусь "Аб адміністрацыйных правапарушэньнях", якія датычацца прымусовай адбуксоўкі транспартных сродкаў" прыняла ўчора на другім чытаньні «палата прадстаўнікоў”.

Размова йдзе аб кіраваньні транспартам асобамі, якія ня маюць правоў, якія знаходзяцца пад уплывам алькаголю ці псыхатропных сродкаў, а таксама пры парушэньні правілаў прыпынку ці стаянкі. У артыкуле адзначаецца таксама, што транспартны сродак дастаўлены на ахоўваемую стаянку вяртаецца ўладальніку па першым запатрабаваньні. Выдаткі па затрыманьню й прымусовай адбуксоўцы аўтамабілю й ягонаму захоўваньню на стаянцы пакрываюцца парушальнікам у судовым парадку.

Між тым, вядома, што ў рэспубліцы няма ніводнага абсталяваньня здольнага адбуксоўваць машыны, вага якіх пераўзыходзіць 2 тоны. І гэта азначае, адбуксовываць ДАІ будзе толькі легкавыя аўтамабілі. Акрамя таго, метады адбуксоўкі транспартных сродкаў даўно састарэлі і ў цывілізаваным сьвеце аўтамабілі ніхто не “цягае”. Напрыклад, у краінах Бальтыі, у выпадку парушэньня правілаў дарожнага руху, супрацоўнікі спэцыяльнай службы ДАІ апрануюць на пярэднія колы аўтамабіля спэцыяльнае прыстасаваньне. Каб яго зьняць, неабходна заплаціць штраф.