Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Журналіст, праваабаронца, член Назіральнага сойму БГК Валеры Шчукін арыштаваны і асуджаны за сваю прафэсыйную дзейнасьць, нягледзячы на тое, што свае дзеяньні Валеры Шчукін заўсёды засноўвае на законе і павазе правоў чалавека. Ён зьўяляецца ўзорам законнасьці і бескампрамісным змагаром за яе ў дзяржаве, дзе парушэньне закону стала нормай для ўладаў. Абвінаваўчае рашэньне суда парушае прызнаны ва ўсім сьвеце прынцып свабоды прэсы. Зараз, калі 60-гадовы праваабаронца пераведзены ў Жодзінскае СІЗА, вядомае сваімі жорсткімі ўмовамі ўтрыманьня вязьняў, Беларускі Гэльсынскі Камітэт зьвяртаецца да тых, ад каго залежыць лёс праваабаронцы з заклікам захаваць прынцып вершынства закону й вызваліць Валеры Шчукіна”, - з такой заяваю выступіў БГК 5 чэрвеня ў сувязі з пераводам Валеры Шчукіна ў Жодзінскае СІЗА.
Былы кіраўнік справамі Лукашэнкі, былы галоўны “завхоз” Беларусі, Іван Ціцянкоў папрасіў палітычнага прытулку ў Нямеччыне, паведамляе “БДГ”. Газэта паведамляе, што Ціцянкоў нібыта зьехаў у гэтую краіну з Італіі. Куды раней перабраўся з Расеі, дзе пражываў, а дакладней, хаваўся, апошні час. Бо ён занадта шмат ведае і пра закрытыя прэзыдэнцкія фонды, і пра спосабы адмыцьця грошай урадавымі чыноўнікамі. Згодна інфармацыі прэсавага цэнтра Хартыі’97, у суботнім выпуску газэты “День” мусіць быць апублікавана інтэрвію зь Іванам Ціцянковым. Інфармацыя, агучаная “БДГ” на дадзены момант правяраецца.
Суд Ленінскага раёну Менску адмяніў рашэньне па адміністратыўнай справе Сяргея Лапцева, 45-гадовага беспрацоўнага жыхара Менску, які 3 ліпеня падчас спартовай эстафеты кінуў у Лукашэнку памідор. Сёньня судзьдзя Зьміцер Жданок вынес рашэньне – 7 сутак адміністратыўнага арышту. На судзе Сяргей Лапцеў падцьвердзіў палітычныя матывы свайго ўчынку – “адрадзіў старажытную традыцыю закідваць памідорамі благіх акцёраў” – і яго адканваіравалі ў спэцпрыёмнік-разьмеркавальнік на Акрэсьціна. Але, як высьветлілася, праз некалькі гадзінаў Сяргей Лапцеў быў адпушчаны. Міліцыянты паведамілі Лапцеву, што яго памілаваў сам Лукашэнка.
Ці магчыма пры сёньняшнім кіраўніцтве краіны і праводзімай ім палітыцы значнае паляпшэньне жыцьця насельніцтва Беларусі? З такім пытаньнем зьвярнуліся ў чэрвені да жыхароў Беларусі супрацоўнікі Незалежнага інстытута сацыяльна-эканамічных і палітычных дасьледваньняў.
Суд Ленінскага раёну Менску вынес рашэньне па адміністратыўнай справе Сяргея Лапцева, 45-гадовага беспрацоўнага жыхара Менску, які 3 ліпеня падчас спартовай эстафеты кінуў у Лукашэнку памідор. Судзьдзя Зьміцер Жданок вынес рашэньне – 7 сутак адміністратыўнага арышту. На судзе Сяргей Лапцеў падцьвердзіў палітычныя матывы свайго ўчынку – “адрадзіў старую традыцыю закідваць памідорамі благіх акцёраў”.
Наталя Машэрава – “дэпутат” і дачка кіраўніка БССР Пятра Машэрава – вырашыла адмовіцца ад барацьбы за пост прэзыдэнта Беларусі на надыходзячых выбарах. Машэрава падала ў Цэнтрвыбаркам заяву з просьбай ануляваць рэгістрацыю ейнай ініцыятыўнай групы. Прычыны гэтай просьбы ў заяве не тлумачацца. Цэнтрвыбаркам плянуе сёньня прыняць рашэньне па заяве Машэравай.
За дзень да вылету ў Парыж, дзе сёньня павіны прайсьці слуханьні пытаньня аб прадстаўніцтве Беларусі ў Парлямэнцкай асамблеі АБСЭ, дэлегацыя “палаты прадстаўнікоў” была радыкальна зьменена – “пяцёрым” дэпутатам адмовілі ў выдачы дыпляматычных пашпартаў. Прадстаўляць “палату прадстаўнікоў” накіраваліся два малазначныя “дэпутаты”. Кіраўнік дэлегацыі Вярхоўнага Савету Анатоль Лябедзька мяркуе, што афіцыйны Менск зьмірыўся з тым, што “палата прадстаўнікоў” ня будзе прызнана ў Парыжы. А за Беларусьсю замацуецца “пустое месца”.
Скончыўся другі тыдзень збору подпісаў у падтрымку прэтэндэнтаў на пост прэзыдэнта. У сувязі з рознай колькасьцю і актыўнасьцю ініцыятыўных груп прэтэндэнты маюць розныя шанцы дасягнуць мяжы 100 тысячаў подпісаў, неабходных для рэгістрацыі ў якасьці кандыдата на вышэйшую дзяржаўную пасаду.
Адзін з памочнікаў былога лідэра басьнійскіх сэрбаў Караджыча, які папрасіў не называць ягонае імя, заявіў некаторым СМІ, што былы лідэр басьнійскіх сэрбаў гатовы стаць перад Гаагскім трыбуналам у якасьці сьведкі супраць былога прэзыдэнта Югаславіі Слабадана Мілошавіча. Узамен Караджыч мае намер патрабаваць ад трыбуналу зьмягчэньня для сябе пакараньня.
, iнформэр
