Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ініцыятыўныя групы “пяцёркі” лідыруюць у зборы подпісаў 11:02, 05/07/2001
Скончыўся другі тыдзень збору подпісаў у падтрымку прэтэндэнтаў на пост прэзыдэнта. У сувязі з рознай колькасьцю і актыўнасьцю ініцыятыўных груп прэтэндэнты маюць розныя шанцы дасягнуць мяжы 100 тысячаў подпісаў, неабходных для рэгістрацыі ў якасьці кандыдата на вышэйшую дзяржаўную пасаду.
Як паведамілі БелаПАН у штабе Ўладзімера Ганчарыка, у падтрымку старшыні Федэрацыі прафсаюзаў Беларускай сабрана 91.600 подпісаў (дадзеныя на 3 ліпеня). Лідэр “Рэгіянальнай Беларусі” Сямён Домаш мае 87.487 подпісаў (дадзеныя на 3 ліпеня), былы прэм’ер-міністар краіны Міхаіл Чыгір - 68.000 (на 4 ліпеня), амбасадар Беларусі ў Латвіі, Фінляндыі і Эстоніі Міхаіл Марыніч - 55.000 (на 4 ліпеня), старшыня рэспубліканскага прафсаюзу работнікаў аграпрамысловага комплексу Аляксандар Ярашук - 40.000 (на 4 ліпеня), старшыня незарэгістраванага стачкаму прадпрымальнікаў Валеры Леванеўскі - 33.000 (на 4 ліпеня), галоўны рэжысёр тэатру сатыры й гумару “Хрыстафор” Яўген Крыжаноўскі - 30.000 (на 4 ліпеня).
У выбарчых штабах старшыні Кансэрватыўна-хрысьціянскай партыі БНФ Зянона Пазьняка і дырэктара Міжнароднага інстытуту мэнэджмэнту Віктара Цярэшчанкі адмовіліся назваць лічбу сабраных подпісаў і заявілі, што “усё йдзе па пляну”.
, iнформэр
