БЕЛАРУСКІЯ ЖУРНАЛІСТЫ ПЫТАЮЦЦА ВА ЎЛАДЗІМЕРА НАВУМАВА “ДЗЕ ЗЬМІЦЕР ЗАВАДЗКІ?” :: Хартыя'97 :: Навiны

Больш за 40 беларускіх журналістаў сабраліся на дадзены момант ля галоўнага ўваходу Міністэрства ўнутраных справаў Беларусі. Акцыя прысьвечана гадавіне зьнікненьня аператара ГРТ Зьміцера Завадзкага. Журналісты апранутыя ў майкі з фотаздымкамі Завадзкага і з надпісам “Дзе Зьміцер Завадзкі?” Яны скадзіруюць пытаньне, самае непрыемнае для ўладаў: “Дзе Завадзкі? Дзе Захаранка? Дзе Красоўскі? Дзе Ганчар?”. Да журналістаў выйшаў намесьнік начальніка адзьдзелу інфармацыі і сувязі з грамадзкасьцю МУС Віталь Грынкевіч, якому былі ўручаны каля 300 подпісаў беларускіх журналістаў, якія патрабуюцць ад беларускага міністра ўнутраных справаў Уладзімера Навумава адказу на пытаньне “Дзе наш калега Зьміцер Завадзкі?”. Пасьля гэтага журналісты накіраваліся па галоўным прашпэкце Менску да будынку генэральнай пракуратуры Беларусі, дзе генэральнаму пракурору Віктару Шэйману будуць уручаны тыя ж подпісы. Журналісты йдуць па прашпэкце Скарыны і гучна скандзіруюць “Дзе Завадзкі?”