Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Рэспэкт”: Лукашэнка трымае ўладу пры дапамозе міліцэйскіх дубінак 11:06, 09/07/2001
“Лукашэнкаўская дубінка” – такі назоў мае артыкул, апублікаваны ў апошнім нумары чэскага штодзёньніка “Рэспэкт”, які распавядае аб сытуацыі ў Беларусі напярэдадні прэзыдэнцкіх выбараў. “Прэзыдэнт напрацягу ўсяго тэрміну перасьледваў сваіх апанентаў пасьлядоўна і ўсімі мэтадамі. Калі яны ня зьніклі пры загадкавых абставінах, дзяржаўная інфармацыйная машына стварыла ім такі негатыўны вобраз, што для большасьці людзей якія не маюць доступу да альтэрнатыўных інфармацыйных крыніцаў, апазыцыянэры не ўспрымаюцца станоўча”.
“Падрыхтоўка да верасьнёўскіх выбараў главы дзяржавы, - гаворыцца ў артыкуле, - разьвіваецца “на ўсе абароты. У Менску, як правіла, за ноч на сьценах і зваходаў у метро зьўляюцца ўлёткі апазыцыйных партыяў, за дзень спэцслужбы іх зьдзіраюць, а тых, хто расклейвае саджаюць у турму. Павышаную актыўнасьць апазыцыі суправаджае рост рэпрэсыяў з боку галоўнага фаварыту выбараў, прэзыдэнта Аляксандра Лукашэнкі”. “Лукашэнка імкнецца утрымацца пры ўладзе з дапамогаю міліцэйскіх дубінак, таннага банзіну і энэргіі, кантролю за дзяржаўным тэлебачаньнем і арыштаў палітычных актывістаў”, - падводзіць несуцяшальны вынік аналізу сытуацыі ў Беларусі чэская газэта “Рэспэкт”.
, iнформэр
