Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На нафтапровадзе «Дружба» адбылася ўцечка паліва 11:08, 09/07/2001
Паліўны фантан, што біў з трубы дыямэтрам 630 мілімэтраў нафтапроваду «Дружба», выявіў 7 ліпеня жыхар вёскі Пелішча Камянецкага раёну непадалёк ад гэтага населенага пункту. Прыехаўшыя на месца здарэньня супрацоўнікі аварыйна-ратавальнага атраду МНС патэлефанавалі на насосна-перакачальную станцыю, дзе тэрмінова панізілі ціск, што дазволіла ліквідаваць аварыю. Аднак, да гэтага часу, па пяпарэдніх дадзеных, ужо адбылася ўцечка каля 10 тонаў нафты.
Некаторая ейная колькасьць трапіла на кукурузнае й бульбяное палі, а значная частка – у меліярацыйны канал. Канал гэта перакрылі, паклалі ўцягваючыя маты, каб паліва не трапіла ў раку. Але пры гэтым мясцовае навакольле яшчэ доўгі час будзе адчуваць негатыўны ўплыў наступстваў здарэньня.
Дарэчы, прычынай пашкоджаньня нафтапроваду сталі дзеяньні пакуль невядомых зламысьленьнікаў, бо на мейсцы здарэньня былі знойдзены малаток і сьвердзел. Па гэтым факце супрацоўнікі праваахоўчых ворганаў Камянецкага раёну ўзбузілі крымінальную справу.
, iнформэр
