Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расейскія прафсаюзы не прызнаюць недэмакратычна выбранага прэзыдэнта Беларусі 11:12, 09/07/2001
Каардынацыйны савет прафсаюзаў Расеі й Беларусі падтрымаў ліпеньскае рашэньне Міжнароднай арганізацыі працы аб прыняцьці адносна Беларусі адпаведнага параграфу. Але, як вынікае з тлумачэньняў лідэраў беларускіх і расейскіх прафсаюзаў, Ганчарыка і Шмакава. Беларускія ўлады працягваюць ігнараваць міжнародныя працоўныя стандарты. Лідэр расейскіх прафсаюзаў Міхаіл Шмакаў заявіў, што калі незалежныя назіральнікі прызнаюць выбары прэзыдэнта недэмакратычнымі, то такую самую палітыку зоймуць і расейскія прафсаюзы.
Сустрэча прафсаюзных лідэраў Беларусі й Расеі праходзіла ў рамках нядаўніх дамоўленасьцяў па каардынацыі дзеяньняў. “Мы надаем вялікае значэньне дзейнасьці нашага Каардынацыйнага савету ў справе ўзнаўленьня правоў беларускіх прафсаюзаў. Па гэтай прычыне часта спрабуюць, як у Беларусі, так і Расеі, запляміць маю рэпутацыю. У прыватнасьці, я маю на ўвазе пасквілі, якія распаўсюджвала беларуская амбасада ў Расеі”, - адзначыў лідэр расейскіх прафсаюзаў.
Таму намер лідэра беларускіх прафсаюзаў балятавацца на пост прэзыдэнта Міхаіл Шмакаў разглядае як крок да пазытыўных пераменаў. Па ягоных словах расейскія прафсаюзы зьбіраюцца ўважліва сачыць за прэзыдэнцкай кампаніяй у Беларусі.
, iнформэр
