Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Толькі за паўгады на вытворчасьці загінула больш за 100 рабочых 11:01, 11/07/2001, www.praca.by
Па аператыўных дадзеных Камітэту па інспекцыі працы пры Міністэрстве працы, за шэсьць месяцаў гэтага года ў выніку няшчасных выпадкаў на вытворчасьці загінула 103 работніка. І хаця гэта на 16 чалавек меней, чым за аналягічны перыяд мінулага года, статыстыка застаецца сумнай. Найбольшая колькасьць загінулых адзначаецца на прадпрыемствах Менскай і Брэсцкай вабласьцей, а таксама сталіцы.
Характар здарэньняў, у выніку якіх адбыліся няшчасныя выпадкі на вытворчасьці зь цяжкімі наступствамі, і асноўныя іхнія прычыны практычна не зьмяніліся. Гэта незадавальняючае ўтрыманьне і недахопы ў арганізацыі рабочых месцаў, эксплуатацыя сапсаваных машын, абсталяваньня і механізмаў.
Усяго ў першым паўгодзьдзі гэтага года зафіксавана больш за 170 тысячаў парушэньняў заканадаўства аб працы. Да адміністратыўнай адказнасьці прыцягнута 4755 службовых асобаў. Атрымана 18,3 мільёны рублёў штрафу. З-за парушэньняў патрабаваньняў аховы працы, якія ствараюць пагрозу і здароўю работнікаў, у першыя паўгады гэтага года спынялася праца 17 цэхаў і 105 вытворчых участкаў.
, iнформэр
