Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія ўлады занадта карумпаваныя, каб вырашыць праблему гандлю людзьмі 11:12, 13/07/2001
Беларусь увайшла ў Даклад Дзяржаўнага дэпартамэнту ЗША аб гандлі людзьмі ў краінах сьвету ў якасьці дзяржавы, якая не прыкладае значных намаганьняў для рашэньня гэтай фундаментальнай і крытычна важкай праблемы ў вобласьці правоў чалавека. “Урад Беларусі не адпавядае мінімальным стандартам з-за недахопу рэсурсаў і карупцыі”, - гаворыцца ў справаздачы Дзяждэпартамэнту ЗША.
Згодна Дакляду, у новым Крымінальным кодэксе Беларусі, які пачаў дзейнічаць 1 студзеня 2001 года, прадугледжваецца пакараньне за гандаль людзьмі з мэтаю сэксуальнай ці іншай эксплуатацыі. Пакараньні за гандаль людзьмі значна больш мяккія, чым пакараньні за гвалтаваньне ць сэксуальнае дамагальніцтва з прымяненьнем сілы.
На момант выпуску гэтага дакладу адна крымінальная справа па гандлю людзьмі была адкрыта і па дванаццаці справах была даказана віна абвінавачаных. Тэарытычна ўрад вядзе праграмы дапамогі ахвярам гандлю людзьмі і забесьпячэньня сьведкаў, але на практыцы гэтага не адбываецца.
Ахвяры затрымліваюцца ці знаходзяцца пад вартай да таго, як сьледзтва кваліфікуе іх як ахвяра. Адносна іх могуць пачаць крымінальныя справы за парушэньне іншых законаў.
