Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Марш паняволенных народаў у Нью-Ёрку 11:05, 17/07/2001
Прадстаўнікі беларускіх арганізацыяў у Нью-Ёрку 15 ліпеня прынялі ўдзел у Маршы паняволенных народаў, прысьвечаным барацьбе за свабоду Беларусі. Марш штогадова праводзіцца Камітэтам паняволеных народаў, які быў зарганізаваны ў канцы 1950-х гадоў усходнеэўрапейскімі, у тым ліку беларускімі, эміграцыйнымі арганізацыямі. Мэтай маршу ёсьць дэманстрацыя салідарнасьці народаў, што змагаюцца з таталітарызмам, і прыцягненьне ўвагі грамадзкасьці Злучаных Штатаў да становішча краінаў, дзе пануе дыктатура. Гэтым разам Марш прайшоў пад дэвізам “За свабоду і незалежнасьць Беларусі”.
Удзельнікі Маршу з Беларусі, Кубы, Чачэніі, Туркмэністану ды іншых краінаў прайшлі па Пятай Эвеню ў Нью Ёрку да Сэнтрал Парку, дзе адбыўся мітынг, на якім з прамовай выступіў старшыня Нью Ёрскага адзьдзелу Беларуска-Амэрыканскага Задзіночаньня. У прамове была адзначаная неабходнасьць каардынацыі дзеяньняў эміграцыйных арганізацыяў, і быў зроблены заклік зрабіць намаганьні, каб вынік выбараў прэзідэнта ў верасьні спыніў ганебнае панаваньне рэжыму Лукашэнкі, каб новы прэзыдэнт адрадзіў сапраўдную незалежнасьць Беларусі, каб беларусы перасталі быць паняволеным народам.
, iнформэр
