Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Помста за памідор 11:03, 20/07/2001, «Наша Свабода»
Сяргей Лапцеў, які падчас лыжнага забегу 3 ліпеня патрапіў памідорам у А.Лукашэнку, падвергся днямі нападу. Увечары 17 ліпеня ён разам з іншымі прадстаўнікамі ініцыятыўнай групы па збору подпісаў за вылучэньне А.Ярашука зьбіраў подпісы каля гастраному па вуліцы Прытыцкага ў Менску. Да іх падышлі некалькі дзецюкоў і прапанавалі прайсьці з імі, матывуючы загад тым, што яны «з органаў».
Сяргея Лапцева схапілі за рукі і завялі ў сквер у раёне плошчы Прытыцкага і з размаху ўдарылі яго аб дрэва. Потым білі ўжо ў твар, забралі пэйджэр і грошы. Пры гэтым нападнікі прыгаворвалі: «Мы цябе адвучым на прэзыдэнта руку падымаць».
Па звароце ў клініку з-за атрыманых пашкоджаньняў С.Лапцеву давялося застацца там на ноч. На наступны дзень ён напісаў заяву аб нападзе ў міліцыю.
За кідок у Лукашэнку Сяргею Лапцеву прысудзілі некалькі сутак арышту, але Лукашэнка зрабіў ласку, і таго амніставалі. Аднак цяпер зразумела, чаго вартае дараваньне Лукашэнкі: помста ўсё ж адбылася. Відаць, С.Лапцеў зараз думае, што лепш бы ён адседзеў той штрафны тэрмін.
, iнформэр
