Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі суд прыгаварыў нямецкага шпіёна да 7 гадоў 11:08, 23/07/2001, Lenta.Ru
21 ліпеня беларускі ваенны суд прызнаў грамадзяніна Нямеччыны Крыстафера Леца віноўным у шпіянажы , паведамляе "Интэрфакс". Выкладчык нямецка-амэрыканскага Цэнтру стратэгічных дасьледваньняў Маршала, які знаходзіцца ў ФРГ, арыштаваны спэцслужбамі Беларусі ў верасьні мінулага года і пакараны да сямі гадоў пазбаўленьня волі. Паводле рашэньня суда, Лец будзе адбываць заключэньне ў калёніі строгага рэжыму.
Выкладчык быў зарыштаваны, калі прыехаў у Менск, каб сустрэцца з адным з прафесараў Менскай акадэміі інфарматыкі. Па дадзеных беларускіх СМІ, у Леца вынайшлі партатыўны кампутар з шыфрамі. Затрыманаму было прад’яўлена абвінавачваньне ў арганізацыі на тэрыторыі Беларусі разьведвальнай сеткі з завербаваных мясцовых жыхароў.
У красавіку гэтага года імя Крыстафера Леца стала зьяўляцца ў прэсе ў сувязі з арыштам Паўла Барадзіна. Выказваліся меркаваньні, што арыштаванага ў ЗША дзяржсакратара Саюзу Расеі й Беларусі могуць абменяць на нямецкага выкладчыка. Аднак гэтая гісторыя не атрымала працягу.
