Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Адпачынак у беларускіх лягерох пагражае інфекцыямі і недаяданьнем 11:17, 23/07/2001
У чэрвеня санітарны нагляд у Беларусі ажыцьцяўляўся над 3700 аздараўленчымі ўстановамі, у якіх “адпачыла” больш за 400 тысяч дзяцей. У 85 лягероў было выяўлена незахаваньне рэжымаў мыцьця сталовага і кухоннага посуду, незадавальняючае ўстрыманьне харчблёкаў, сапсаванасьць халадзільнага ці тэхналягічнага абсталяваньня, паведамляе газэта “Медицинский вестник".
У першыя 10 дзён зьмены некаторых аздараўляльных установах дзеці не атрымоўвалі ў дастатковай колькасьці агародніну й кісламалочныя прадукты (тварог, кефір), алей. Асноўнай прычынай невыкананьня нормаў харчаваньня быў несвоечасовы завоз прадуктаў у Шумілінскім, Гомельскім, Лельчыцкім, Мазырскім, Ляхавіцкім раёнах.
Парушэньне тэхналёгіі гатаваньня ежы выяўлена ў 75 аздараўленчых лягерох рэспублікі. У другой дэкадзе чэрвеня ў лягеры “Электрон” Менскага ПА вылічальнай тэхнікі захварэла іерсыніёзнай інфекцыяй 38 дзяцей і дарослых. Прычынаю захворваньня стала незахаваньне тэхналёгіі апрацоўкі гародніны й фруктаў.
