Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На канцэрце ў Віцебску абарвалася фанаграма, пад якую выступаў Філіп Кіркораў 11:01, 26/07/2001
Казус здарыўся на канцэрце, прысьвечаным Дню дружбы брацкіх народаў Расеі, Беларусі і Ўкраіны, што адбыўся ў Віцебску. Як перадае карэспандэнт РІА “Новости”, у канцы выступу вядомага расейскага сьпевака Філіпа Кіркорава адбыўся тэхнічны збой - нечакана абарвалася фанаграма. Пасьля секунднага замяшальніцтва сьпявак здолеў выйсьці са становішча і працягваў выкананьне вядомай песьні “І вагонь, і вада” пры падтрымцы залі.
Пакідаючы сцэну, Кіркораў зьвярнуўся да Ўладзімера Пуціна, Аляксандра Лукашэнкі й Леаніда Кучмы, якія сядзелі ў ложы. Сьпявак, жартам выбачаючыся, зазначыў: “Усё бывае, прэзыдэнты”.
Апошнім акордам канцэрту стаў выступ народнай артысткі Расеі Алы Пугачовай. Выканаўшы тры песьні, сьпявачка паднялася да прэзыдэнтаў і расцалавала кожнага зь іх.
Сканчэньне відовішча, у якім прынялі ўдзел усе ягоныя ўдзельнікі, Пугачова назірала, седзячы побач з прэзыдэнтамі.
