Уціскаюць сьведкаў :: Хартыя'97 :: Навiны

Дакумэнты, перададзеныя адзіным кандыдатам у прэзыдэнты Ўладзімерам Ганчарыкам 13 ліпеня журналістам, зьяўляюцца сапраўднымі. Пра гэта Нашай Свабодзе зявіў член грамадзкай камісіі па расьсьледваньню зьнікненьняў Юры Захаранкі, Віктара Ганчара, Анатоля Красоўскага й Зьміцера Завадзкага Сяргей Стрыжонак. Па ягоных словах, экспэртыза дакумэнтаў, якія сьведчаць аб датычнасьць ўладаў да зьнікненьня палітычных апанентаў, сапраўдная.

Зразумела, што пакет дакумэнтаў, абнародаваных Уладзімерам Ганчарыкам, - гэта дакумэнты, вывезеныя за мяжу былым сьледчым Алегам Случакам і Зьміцерам Петрушкевічам ва ўсялякім выпадку, іхняя частка. Былыя сьледчыя не сьпяшаліся абнародаваць матэрыялы крымінальнае справы па факту зьнікненьня З.Завадзкага – хацелі гарантыяў для сваіх сем’яў. 10 ліпеня жонка Алега Случака зь дзецьмі й цяжарнай жонкаю З.Петрушкевіча выехалі за мяжу, таму 13 ліпеня й адбыўся выкід інфарамцыі ў прэсу.

Між тым, па словах Сяргея Стрыжонка, абодва фігуранты па справе, згаданай у матэрыялах, начальнік Сьледчага ізалятара №1 Камітэту па выкананьнi пакараньняў палкоўнік унутранай службы Алег Алкаеў і начальнік ДУКМ МУС генэрал-маёр Лапацік фактычна адхіленыя ад службовых абавязкаў. У пратаколах допыту Алег Алкаеў паказвае, што ён выдаваў расстрэльны пісталет, якім прыводзяцца ў выкананьне сьмяротныя прысуды, як раз напярэдадні зьнікненьняў Юры Захаранкі й Віктара Ганчара з Анатолем Красоўскім. Зь імі наогул немагчыма зьвязацца, і іхняе месцазнаходжаньне не вядома. Больш таго, з “вельмі дакладных крыніцаў”, стала вядома, што з “Алкаевым вельмі цікава працуе Савет бясьпекі для таго, каб ён зьмяніў свае сьведчаньні”. Такая самая сытуацыя назіраецца і з генэрал-маёрам Лапацікам. Грамадзкая камісія папярэджвае, што гэта ня дасьць чаканага ўладамі выніку і толькі “пагоршыць сытуацыю”.