Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Датэрмінова вызвалены арыштаваны на 10 сутак Сяргей Бахун 11:14, 27/07/2001
На дзень раней, 27 ліпеня вызвалены з-пад варты лідэр брэсцкага адзьдзялення "Маладога фронту" Сяргей Бахун. С.Бахун быў удзельнікам акцыі, арганізаванай 10 сьнежня мінулага года з нагоды чарговай гадавіны прыняцьця Ўсеагульнай Дэклярацыі правоў чалавека. Суд Ленінскага раёну Брэсту прызнаў акцыю несанкцыяніраваным пікетам і аштрафаваў яе ўдзельнікаў.
У прыватнасьці, С.Бахун быў аштрафаваны на 200 МЗП. Ён адмовіўся выплачваць гэтыя грошы. Судовыя выканаўцы спрабавалі правесьці вопіс маёмасьці ў доме бацькоў Сяргея, аднак маці забараніла гэта рабіць, заявіўшы, што ў кватэры няма маёмасці сына.
У ліпені адбыўся суд і судзьдзя Алег Міранюк прыгаварыў С.Бахуна да 10 сутак арышту. Проста з залы суда С.Бахун быў змешчаны ў ізалятар часовага ўтрыманьня Маскоўскага раёну, бо ў Ленінскім РАУС не было свабодных месцаў.
На гэтым тыдні маці С.Бахуна зьвярнулася да судзьдзі, нагадаўшы, што яе сын ужо адседзеў адны суткі ў ІЧУ пасьля затрыманьня 10 снежня. Яна не чакала, што ейны зварот будзе ўлічаны. Але С.Бахун сапраўды быў выпушчаны з ізалятара на суткі раней.
У гутарцы з карэспандэнтам БелаПАН С.Бахун заўважыў, што за 9 дзён ён схуднеў на 4,5 кілаграмы.
, iнформэр
