Супрацоўнікаў гомельскага медычнага інстутута прымушаюць даваць патрабаваньні :: Хартыя'97 :: Навiны

“Мяне паставілі перад выбарам: ці дабраахвотная сьмерць, ці вызваленьне з-пад арышту пры дачы сьледзтву патрэбных прызнавальных паказаньняў”. Гэта заява утрымліваецца ў звароце на волю першага прарэктара Гомельскага дзяржаўнага медычнага інстытута Яўгена Сакалоўскага, які ён здолеў перадаць з гомельскага СІЗА, паведамляе “БДГ”.

Яўген Сакалоўскі быў затрыманы 18 студзеня 2001 года па абвінавачваньнi ў атрыманьні хабару (ч.2 артыкул 430 КК РБ) і злоўжываньні службовымі паўнамоцтвамі (ч.2 артыкула 4224 КК РБ). Як ён сам прызнаецца, пад яго “копали" з ліпеня 1999 года, калі быў арыштаваны рэктар вну Юры Бандажэўскі. Ніякіх грошай і іншых каштоўнасьцяў у Сакалоўскага не знайшлі.

На думку прарэктара, канчатковая мэта перасьледу – “разваліць з такімі намаганьнямі наладжаную працу медінстытута і ператварыць яго ў прыватную лаўку”. Яўген Сакалоўскі таксама паведаміў, што за ўвесь час знаходжаньня ў СІЗА яго ні разу не дапытвалі. Сьледчы па асабліва важных справах Пракуратуры РБ Вячаслаў Цераховіч прапаноўваў яму проста даць прызнавальныя сьведчаньні ў абмен на зьмяненьне меры пакараньня. “Але як чалавек я адказваю: “Не дачакаецецся!” – піша Сакалоўскі.

60-гадовы пракурор упэўнены, што адмаўленьне ў аказаньні яму медычнай дапамогі зьяўляюцца сродкам уціску на яго. “Эсперты... прыйшлі да ашаламляльнай высновы: з усімі маімі захворваньнямі можна і нават карысна знаходзіцца ў СІЗА”. Як піша Яўген Сакалоўскі, усяго ў яго вынайдзена 45 захворваньняў, але ў эспэртным заключэньні “работнікі рэспубліканскай судмедэкспертызы адвольна склалі толькі 27”. Сакалоўскі лічыць, што сьледчы Цераховіч так настойліва парушае розныя правы толькі таму, што “мая сьмерць вырашыць усе праблемы сьледзтва”.