Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У склад участковых камісіяў па выбарах прэзыдэнта ўвайшло толькі 4,4 % прадстаўнікоў палітычных партыяў 11:18, 27/07/2001
У Беларусі ўтворана 6 753 участковых камісіяў па выбарах прэзыдэнта Беларусі. Як паведамілі БЕЛТА ў Цэнтрвыбаркаме, у іхні склад увайшло 78 407 прадстаўнікоў ад палітычных партыяў, іншых грамадзкіх арганізацыяў, працоўных калектываў, выканаўчых ворганаў, грамадзяне, вылучаныя шляхам падачы заяваў. Ад палітычных партыяў, іншых грамадзкіх аб’яднаньняў у прыватнасьці ў склад участковых камісіяў увайшло 3 473 чалавека.
Сваіх прадстаўнікоў у камісіях маюць Аграрная партыя, партыя БНФ, беларуская сацыял-дэмакратычная партыя (Народная Грамада), Камуністычная партыя Беларусі, Аб’яднаная грамадзянская партыя, Партыя камуністаў Беларуская. Іншыя грамадзкія аб’яднаньні ва ўчастковых камісіях прадстаўлены Беларускім саюзам жанчынаў, Беларускай жаночай лігай, Таварыствам беларускай мовы імя Ф.Скарыны, арганізацыямі ветэранаў і прафсаюзаў, фондам імя Льва Сапегі. Беларускім патрыятычным саюзам моладзі, грамадзкім аб’яднаньнем “Беларускі Гэльсінкскі Камітэт”, аб’яднаньнем БНФ “Адраджэньне” і іншымі.
, iнформэр
