Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
АГП прапаноўвае Ганчарыку й Домашу дзейнічаць па формуле “прэзыдэнт-прам’ер” 11:08, 30/07/2001
Уладзімер Ганчарык і Сямён Домаш павінны даць гарантыі, што ў выпадку абраньня аднаго зь іх прэзыдэнтам Беларусі другому будзе прапанаваны пост прэм`ер-міністра. Такая прапанова ўтрымліваецца ў праэкце "Пагадненьня аб узаемных абавязацельствах адзінага кандыдата ў прэзыдэнты Рэспублікі Беларусь і шырокай грамадзянскай кааліцыі ў перыяд і пасьля выбарчай прэзыдэнцкай кампаніі".
Праэкт быў разгледжаны 27 ліпеня ў Менску на пашыраным паседжаньні Палітсавету Аб`яднанай грамадзянскай партыі (АГП). Уладзімер Ганчарык па-ранейшаму застаецца адзіным кандыдатам на пасаду кіраўніка беларускай дзяржавы ад шырокай грамадзянскай кааліцыі. Праэкт пагадненьня прадугледжвае ўдзел у выбарчай кампаніі двух прадстаўнікоў апазыцыйнай "пяцёркі" па формуле "прэзыдэнт - прэм`ер-міністар", а таксама прынцыпы будучага ўпарадкаваньня ўлады й кіраваньня ў Беларусі.
Гэты дакумэнт накіраваны для абмеркаваньня членам "пяцёркі" й суб`ектам шырокай грамадзянскай кааліцыі. На думку лідэра АГП Анатоля Лябедзькі, мэта пагадненьня - павышэньне даверу ўнутры шырокай грамадзянскай кааліцыі й прыняцьце шэрагу ўзаемных абавязацельстваў. Без гэтага немагчыма забясьпечыць правядзеньне эфектыўнай прэзыдэнцкай кампаніі. "Пагадненьне, змацаванае подпісамі адзінага кандыдата, прадстаўнікоў "пяцёркі", суб`ектамі шырокай грамадзянскай кааліцыі, можа стаць тым падмуркам, на якім мы пабудуем нашу агульную перамогу", - сказаў Анатоль Лябедзька.
