Дэлегацыя ПАСЭ асноўную ўвагу будзе надзяляць парушэньню ў Беларусі правоў чалавека :: Хартыя'97 :: Навiны

Дэлегацыя Парлямэнцкай асамблеі Савету Эўропы, што прыбыла ў аўторак у Менск, асноўную ўвагу мае намер надзяліць пытаньням стану правоў чалавека за апошнія шэсьць месяцаў, што прайшлі з часу мінулага візыту. Пра гэта, перадае карэспандэнт РІА "Новости", паведаміў па прыездзе ў беларускую сталіцу кіраўнік камітэту Парлямэнцкай асамблеі па палітычных пытаньнях, прадстаўнік Вялікабрытаніі Тэрры Дэвіс.

У складзе дэлегацыі таксама даклядчык па Беларусі камітэту па палітычных пытаньнях Парлямэнцкай асамблеі Савету Эўропы Вольфганг Берэнд і Сірыл Свобода, якія зьяўляецца дакладчыкам камітэту па юрыдычных пытаньнях і па правох чалавека.

Падчас візыту, які будзе цягнуцца да 3 жніўня, парлямэнтары Савету Эўропы сустрэнуцца з прадстаўнікамі беларускіх уладаў, кандыдатамі на пост прэзыдэнта, прадстаўнікамі палітычных партыяў, прафсаюзаў, жаночых арганізацыяў. Яны таксама правядуць сустрэчы з главамі амбасадаў дзяржаваў, якія ўваходзяць ў Савет Эўропы і Арганізацыю па бясьпецы й супрацоўніцтву ў Эўропе і з кіраўніком кансультатыўна-назіральнае місіі АБСЭ ў Менску Хансам-Георгам Вікам.

Пра свае ўражаньні ад знаходжаньня ў Беларусі парлямэнтары Савету Эўропы распавядуць на прызначанай на 3 жніўня прэс-канферэнцыі, якая адбудзецца а 10.30 у Нацыянальным прэс-цэнтры Менску.