Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У ліпені зноў вырасьлі тарыфы на жыльлёва-камунальныя паслугі 11:09, 01/08/2001
У ліпені зноў павялічыліся тарыфы на жыльлёва-камунальныя паслугі для насельніцтва. Праўда, у адрозненьні ад чэрвеня, рост іх быў нязначным. На 0,8 адсоткі павялічылася квартплата (тэхабслугоўваньне) і плата за карыстаньне ліфтам, на столькі ж падаражэлі газ, халодная вада й каналізацыя, вываз і абсяшкоджваньне адходаў, на 35 адсоткаў - гарачая вада.
У абсалютных лічбах для жыхароў Менску тарыф на халодную ваду й каналізацыю вырас з 76,1 да 76,7 рублі за кубічны метр, газ - з 180,5 да 181,9, вываз адходаў - з 80,26 да 80,9 рублі, абясшкоджваньне адходаў - з 52,17 да 52,59, плата за карыстанне ліфтам - з 92,55 да 92,99 рублі на чалавека. Кошт адной гігакалорыі цеплавой энергіі, якая ідзе на падагрэў вады, павялічыўся з 3.660 да 4.941,8 рубля.
Стаўка квартплаты (тэхабслугоўваньне), адзіная для ўсёй краіны, узрасла з 10,59 да 10,67 рублі за квадратны метр агульнай плошчы.
З пачатку года плата за карыстаньне ліфтам вырасла на на 25,6 адсоткі, квартплата (тэхабслугоўваньне ) - на 25,7, плата за карыстаньне радыёкропкай - на 32,4, халодная вада й каналізацыя - на 58,5, газ - на 64,6, вываз адходаў - на 76,5, абясшкоджваньне адходаў - на 77,1 адсоткаў, гарачая вада - у 2,2 разы.
, iнформэр
