Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уладзімер Ярмошын: бюджэт не даатрымоўвае мільярды рублёў 11:13, 01/08/2001
Прэм’ер-міністар Беларусі Ўладзімер Ярмошын неадназначна ацэньвае вынікі разьвіцьця эканомікі рэспублікі за першыя паўгады 2001 года. Як заявіў ён у эксклюзыйным інтэрвію “Інтэрфаксу”, у агуле народная гаспадарка краіны працавала “у рытме паступовага руху, аднак пастаўленыя задачы па павышэньні ўзроўню даходаў насельніцтва патрабавалі больш інтэнсыўнага пад’ёму эканомікі”.
У прыватнасьці, глава ўраду адзначыў, што ВУП рэспублікі павялічыўся за паўгады на 3%, а аб’ём прамысловай вытворчасьці – на 4,1% у параўнаньні з аналягічным перыядам 2000 года. “Гэта нармальныя паказчыкі. Але для таго, каб бяз болю падняць даходы насельніцтва да канца года, трэба было б павысіць ВУП на 3,8 – 4%, а выпуск прамысловай прадукцыі – хоць бы на 4,8 %, - лічыць У.Ярмошын. “Гэтыя крохі, якія мы не дацягнулі, абарочваюцца недаатрыманымі ў бюджэт мільярдамі рублёў”, - патлумачыў прэм’ер.
