Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэлегацыя ПАСЭ сустрэлася зь лідэрамі беларускіх палітычных партыяў 11:13, 02/08/2001
Дэлегацыя ПАСЭ правяла сёньня сустрэчу з кіраўнікамі палітычных партыяў, што ўваходзяць у склад Кансультацыйнага савету апазыцыйных палітычных партыяў – лідэрам Аб’яднанай грамадзянскай партыі Анатолям Лябедзькам, лідэрам БНФ “Адраджэньне” Вінцуком Вячоркам, старшынём БСДП (Народная Грамада) Мікалаем Статкевічам, лідэрам жаночай партыі “Надзея” Валянцінай Палевіковай.
Галоўным чынам, міжнародных парлямэнтараў цікавіла пытаньне аб сапраўднай канфігурацыі палітычнай апазыцыі. Анатоль Лябедзька паведаміў, у прыватнасьці, што палітычная апазыцыя падтрымлівае ідэю вызначэньня адзінага кандыдата ад шырокай грамадзянскай кааліцыі. Ён лічыць, што інтарэсы Ўладзімера Ганчарыка й Сямёна Домаша могуць быць замацаваныя ў формуле “прэзыдэнт-прэм’ер”, калі адзіны кандыдат будзе балятавацца на пост кіраўніка дзяржавы, а ягоны напарнік атрымае гарантыі таго, што ўзначаліць урад.
Кіраўнік партыі БНФ “Адраджэньне” Вінцук Вячорка паведаміў прадстаўнікам ПАСЭ, што збор подпісаў у падтрымку рэгістрацыі кандыдатаў у прэзыдэнты паказаў, што партыі змаглі забясьпечыць пасьпяховае правядзеньне кампаніі тым кандыдатам, якія абапіраліся на партыйныя структуры.
, iнформэр
