 | ПАЛIТЫКА | |
У апазыцыю Лукашэнку пераходзяць нават “дэпутаты”
11:20, 06/08/2001
“Наша краіна перажывае жорсткі цэйтнот. Мы востра адчуваем: час сыходзіць. На старце новага тысячагодзьдзя дзяржава ўцягнулася ў цывілізаваную гонку. Усе, хто ня хоча засесьці на гістарычнай збочыне, паскоранымі тэмпамі засвойваюць інфармацыйныя тэхналёгіі, замыкаюць на сабе фінансавыя патокі і заваёўваюць пазыцыі на зьнешніх рынках, разьвіваюць ў грамадзтве дух прадпрымальніцтва й дзелавую ініцыятыву. У эпоху бурных ператварэньняў кожны згублены год адкідае аўтсайдэраў на дзесяцігодзьдзі назад. Упушчаныя шанцы – гэта шлях у бездань. Запаволіць рух – значыць зьмірыцца з дэіндустрыялізацыяй, спадам сельскай гаспадаркі, паўсюднай галечаю і бегствам з краіны адукаваных і таленавітых людзей”, - з такім адкрытым лістом да будучага прэзыдэнта Беларусі выступіў 6 жніўня дэпутат “палаты прадстаўнікоў” Генадзь Дылеўскі. Тэкст ліста цалкам чытайце на нашым сайце. 
Чвэрць менчукоў вераць у датычнасьць “сілавікоў” да зьнікненьня апанентаў Лукашэнкі
11:19, 06/08/2001
"Ці верыце вы ці не дакумэнтам, якія абнародаваў Уладзімер Ганчарык аб датычнасьці кіраўнікоў шэрагу сілавых структураў Беларусі да зьнікненьня вядомых беларускіх палітыкаў?". З такім пытаньнем зьвярнуліся да жыхароў Менску супрацоўнікі сацыялагічнай службы "Зеркало" інфармацыйнай кампаніі БелаПАН падчас апытаньня, праведзенага 30 ліпеня - 1 жніўня.
«Незалежнае назіраньне» аб’яўлена па-за законам
11:18, 06/08/2001
Міністэрства юстыцыі Беларусі папярэджвае, што асобы, якія дзейнічаюць ад імя незарэгістраваных палітычных партыяў, прафэсыйных саюзаў і іншых грамадзкіх аб`яднаньняў, могуць быць прыцягнуты да адказнасьці па арт. 167-10 Кодэксу аб адміністратыўных правапарушэньнях (КоАП). Адпаведная заява распаўсюджана Мінюстам 3 жніўня. У сувязі з гэтым Мінюст заяўляе што аб`яднаньне "Незалежнае назіраньне" не зарэгістравана ва ўстаноўленым парадку і "не мае права ажыцьцяўляць сваю дзейнасьць на тэрыторыі Рэспублікі Беларусь".
11:17, 06/08/2001
“Як вы думаеце, ці будуць выбары прэзыдэнта Беларусі ў 2001 годзе свабоднымі й справядлівымі?” – з такім пытаньнем да грамадзкіх лідэраў і экспэртаў зьвярнуліся супрацоўнікі Незалежнага інстытута сацыяльна-эканамічных і палітычных дасьледваньняў у ходзе апытаньня, праведзенага ў ліпені.
Віктар Чыкін – рэдактар газэты “7 дзён”
11:16, 06/08/2001
Лідэр Камуністычнай партыі Беларусі Віктар Чыкін, які нядаўна трапіў у няміласьць Лукашэнкі і зьняты ў гэтай сувязі з пасады главы Белтэлерадыёкампаніі, атрымаў новую, дастаткова кур’ёзную пасаду. Загадам Генэральнага дырэктара Беларускага тэлеграфнага агенцтва й па сумяшчальніцтву сузаснавальніка газэты “7 дней” Віктар Чыкін прызначаны галоўным рэдактарам гэтага афіцыёзнага, пасрэднага выданьня. Па словах самога Віктара Чыкіна, адчувае ён сябе на новым мейсцы “нормально, так как 10 лет редакторствовал в своей партийной газете «Мы и время”.
11:15, 06/08/2001
налічыў карэспандэнт “Нашай свабоды”. Лукашэнка, па словах кіраўніка ягонай ініцыятыўнай групы Мікалая Чаргінца, здаў сем дэклярацыяў – на сябе, жонку, маці, цешчу, двух сыноў і ўнучку. Пра памер даходаў Лукашэнкі Чаргінец ня стаў казаць, магчыма, таму, што Лукашэнка цалкам знаходзіцца на дзяржаўным забесьпячэньні.
11:14, 06/08/2001, www.yusnews.com
Паседжаньне з банкірамі Беларусі павінна прайсьці 8 жніўня пад старшынствам Аляксандра Лукашэнкі. Апошняе мерапрыемства такога кшталту праводзілася колькі год таму. Сёньняшняе мае асаблівае значэньне, бо будзе праводзіцца за месяц да прэзыдэнцкіх выбараў. Банкіры чакаюць чарговых дадаковых пабораў на карысьць сёньняшняй улады. Па некаторых дадзеных, А.Лукашэнка зьбіраецца прад’явіць пэўным банкірам матэр’ялы, што сьведчаць аб фінансавай падтрымцы імі некаторых апазыцыйных структураў і палітыкаў. Цалкам магчыма, што на паседжаньні будуць зроблены арганізацыйныя вынікі й публічныя экзэкуцыі.
11:13, 06/08/2001
Аператыўна-тактычныя навучаньні “Нёман-2001”, якія адбудуцца ў Беларусі з 26 па 3 верасьня, павінны паказаць, што ўзброеныя сілы “управляемы и мобильны”. Пра гэта заявіў прэзыдэнт краіны Аляксандар Лукашэнка ў панядзелак на паседжаньні, прысьвечаным надыходзячым навучаньням. Па словах прэзыдэнта, для ўдзелу ў беларускіх навучаньнях будзе прыцягнута каля 10 тысячаў ваеннаслужачых, 60 танкаў, больш за 60 адзінак ракетна-артылерыйскіх сыстэмаў, 40 самалётаў і больш за 1000 адзінак аўтамабільнай тэхнікі.
11:12, 06/08/2001, www.praca.by
Дзесяць тысячаў вольнанаёмных работнікаў Мінабароны атрымоўваюць заробак на ўзроўні бюджэту пражытнога мінімуму (у коштах чэрвеня ён склаў 51,9 тыс.рублёў) і фактычна зьяўляюцца жабракамі. На такія грошы немагчыма пражыць нават аднаму чалавеку, ня кажучы ўжо пра тое, каб утрымліваць сям’ю. З-за нізкага заробку многія высокакваліфікаваныя спэцыялісты вымушаныя сыходзіць зь міністэрства, што адмоўна сказваецца на ўзроўні падтрыманьня вайсковых частак у баявой гатоўнасьці.
11:11, 06/08/2001, www.praca.by
На 8 адсоткаў павялічылася колькасьць беспрацоўных у Гомельскай вобласьці ў параўнаньні з адпаведным перыядам мінулага года. Агульная колькасьць афіцыйна зарэгістраваных у якасьці беспрацоўных тут складае 18 тысячаў чалавек, што адпавядае ўзроўню беспрацоўя – 2,6 адсоткі. І гэта далёка не мяжа. На прадпрыемствах вобласьці працягваюцца масавыя звальненьні работнікаў.
11:10, 06/08/2001
На мінулым тыдні жыхары сталічнага мікрараёну Зялёны Луг, узброеныя сякерамі ды ламамі, рушылі ў бок лесапарку. Людзі не звар`яцелі і не ў партызаны падаліся, сцьвярджае газэта «Наша Свабода». Проста яны вырашылі, што іхняму трываньню падыходзіць канец – любімае мейсца для прагулак сталі распрадаваць пад будынкі нуварышаў. Абураныя грамадзяне зламілі плот, узьведзены вакол будучай пабудовы. Але на гэтым жыхары Зялёнага Луга вырашылі не спыняцца. Яны маюць намер патрабаваць уратаваньня зоны адпачынку ў кампетэнтных інстанцыях. Посьпех спробы сумнеўны, лічыць газэта, аднак яна добра ілюструе адчай і абурэньне людзей.
11:09, 06/08/2001
Абсурдныя, брудныя і неабгрунтаваныя абвінавачваньні беларускіх уладаў адносна апазыцыі дасягнулі апагею. За абвінавачваньнем Захаду ў фінансаваньні апазыцыі й назіральнікаў у імкненьні фальсыфікаваць вынікі выбараў, беларуская пракуратура заявіла, што яна ня выключае датычнасьці лідэраў Аб’яднанай грамадзянскай партыі Беларусі да вывазу за межы рэспублікі ўплывовых палітычных дзеячоў і аб’яве іх зьніклымі бя зьвестак. Пра гэта было заяўлена ў нядзелю ў эфіры Нацыянальнай тэлерадыёкампаніі Беларусі.
11:08, 06/08/2001
Дзяржаўны Дэпартамэнт ЗША асудзіў у пятніцу незаконныя дзеяньні беларускіх уладаў па канфіскацыі абсталяваньня, прадстаўленага амэрыканскім бокам дэмакратычнай апазыцыі напярэдадні выбараў 9 верасьня. Прэсавы сакратар Рычард Баўчар патрабаваў неадкладнага звароту тэхнiкi. 12 лIпеня, па словах Баўчара, афіцэры міліцыі горада Крычава забралі абсталяваньне, што па праву належыць ураду Злучаных Штатаў і здадзенае ім у арэнду незалежнай газэце “Вольны горад”.
11:07, 06/08/2001
У гэтым годзе афіцыйныя адносіны паміж Злучанымі Штатамі Амэрыкі й Беларусьсю ці значна паляпшацца ці значна пагаршацца; яны ня здолеюць застацца на тым самым узроўні. Такое меракаваньне ў размове з журналістамі выказаў 3 жніўня Надзвычайны і Паўнамоцны амбасадар ЗША ў Беларусі Майкл Козак. Па ягоных словах усё будзе залежыць ад таго, як будуць праведзеныя прэзыдэнцкія выбары ў краіне.
11:06, 06/08/2001
Першы намесьнік главы Адміністрацыі прэзыдэнта Беларусі Ўладзімер Замяталін у сваім выступе 3 жніўня перад актывам БПСМ, заявіў пра тое, што ня ўлады, а апазыцыя мае намер сфальсыфікаваць вынікі выбараў у Беларусі. Асноўная роля ў гэтым працэсе, па ягоных словах, будзе належыць назіральнікам ад апазыцыі.
11:05, 06/08/2001, www.yusnews.com
“Вельмі безадказна казаць, што сетка ўнутранага назіраньня адпавядае сетцы фальсыфікацыі выбараў. Таму што ўся ідэя ў тым, каб гэтая сетка павінна зрабіць гэтыя рэчы больш празрыстымі. Гэта добра відаць вам, прадстаўнікам прэсы, міжнародным назіральнікам. Так што ніхто не павінен быць занепакоены, што гэтым будуць злоўжываць дзеля благой мэты”, - заявіў амбасадар ЗША Майкл Козак у адказ на сцьвярджэньні Лукашэнкі, што ЗША стварылі кампутарную сетку для фальсыфікацыі вынікаў выбараў у Беларусі.
Пачалася рэгістрацыя кандыдатаў у прэзыдэнты
11:04, 06/08/2001
Рэгістрацыя кандыдатаў у прэзыдэнты пачалася ў Беларусі 5 жніўня. Чацьвёра патэнцыйных кандыдатаў у прэзыдэнты, Уладзімер Ганчарык, Сямён Домаш, Аляксандар Лукашэнка й Сяргей Гайдукевіч здалі ўсе неабходныя для рэгістрацыі дакумэнты: заяву аб сваёй згодзе балятавацца на пост прэзыдэнта Беларусі, аўтабіяграфічныя дадзеныя й дэклярацыю аб сваіх даходах і даходах сваіх сваякоў. Прозьвішчы зарэгістраваных кандыдатаў, па словах сакратара ЦВК Мікалая Лазовіка, будуць вядомыя пасьля 10 жніўня.
11:03, 06/08/2001
“Жорсткае рэгуляваньне ў сфэры прыватнага бізнэсу, зьвязанае з ростам карупцыі й ценявой эканомікі”, - так ахарактарызаваў беларускую эканоміку кіраўнік беларускага прадстаўніцтва Міжнароднай фінансавай карпарацыі Карл Дагенхарт. Ён паведаміў пра намер МФК правесьці аналіз выдаткаў, неабходных для адкрыцьця ўласнай справы ў Беларусі. Папярэднія падлікі паказваюць: для пачатку бізнэсу беларускаму прадпрымальніку неабходна 120 дзён і 400 даляраў, пры тым, што рэгістрацыйныя працэдуры цяжкія, працаёмкія і недакладна акрэсьленыя. Дагенхард прывёў у прыклад Канаду, дзе для адкрыцьця ўласнага бізнэсу чалавеку патрэбна ўсяго два дні й 280 даляраў на выдаткі.
Малады Фронт пад “калпаком” у КДБ
11:02, 06/08/2001
15 актывістаў Маладога фронту былі выкліканы 4 жніўня на допыт у КДБ Беларусі. КДБ працягвае следзтва па справе ад выбуху ля расейскай амбасады ў Менску 1 чэрвеня падчас саміту главаў дзяржаваў СНД.
11:01, 06/08/2001, www.yusnews.com
У часе сустрэчы выпускнікоў сумеснага амэрыканска-нямецкага цэнтру дасьледаваньняў бясьпекі імя Джорджа Маршалла, амбасадар ЗША ў Беларусі Майкл Козак выказаў сваю думку адносна суда над былым супрацоўнікам гэтага цэнтра Крыстаферам Лецам, які стаў першым асуджаным у Беларусі замежным шпіёнам і атрымаў 7 гадоў у калёнііі строгага рэжыму.
| |
|
, iнформэр
