Улады абвінавачваюць апазыцыю ў выкраданьні вядомых у Беларусі людзей :: Хартыя'97 :: Навiны

Абсурдныя, брудныя і неабгрунтаваныя абвінавачваньні беларускіх уладаў адносна апазыцыі дасягнулі апагею. За абвінавачваньнем Захаду ў фінансаваньні апазыцыі й назіральнікаў у імкненьні фальсыфікаваць вынікі выбараў, беларуская пракуратура заявіла, што яна ня выключае датычнасьці лідэраў Аб’яднанай грамадзянскай партыі Беларусі да вывазу за межы рэспублікі ўплывовых палітычных дзеячоў і аб’яве іх зьніклымі бя зьвестак. Пра гэта было заяўлена ў нядзелю ў эфіры Нацыянальнай тэлерадыёкампаніі Беларусі.

У два мінулыя гады зьніклі бяз зьвестак экс-міністар унутраных справаў Юры Захаранка, былы віцэ-прам’ер Віктар Ганчар, бізнэсовец Анатоль Красоўскі і аператар ГРТ Зьміцер Завадзкі. Па факту іхняга зьнікненьня былі ўзбуджаныя крымінальныя справы. У эфіры аналітычнай праграмы “Рэзананс” былі агучаны вынікі пракурорскай праверкі скаргі трох грамадзянаў гораду Барысава, якія абвінавацілі лідэраў апазацыйнай АГП у тым, што яны вывозяць беларускіх апазцыйных палітыкаў за мяжу й забясьпечваюць ім палітычнае сховішча ў заходніх краінах.

У інтэрвію “Інтэрфаксу” у нядзелю АГП Анатоль Лябедзька назваў “правакацыяй” сюжэт, паказаны па Беларускай тэлевізыі, і паведаміў, што мае намер у судовым парадку патрабаваць абвяржэньня “дадзенай хлусьні”.