Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Захлынаючыся ад захапленьня клапатлівага спартовага прэзыдэнта і суперхуткаснага будаўніцтва палацаў, дзяржаўныя СМІ “забывалі” паведаміць адну маленькую падрабязнасьць – колькі гэта каштуе. Калі прасьцей, у колькі абыходзіцца хакейная дур беларускаму народу. Па некаторых дадзеных, у агуле выдаткі на будаўніцтва 7 палацаў склалі 30-35 мільёнаў даляраў і суму, эквівалентную гэтай, у беларускіх рублях. Гэта пры тым, што Беларусь вінна Расеі за энэрганосьбіты некалькі сотняў мільёнаў даляраў.
Ланцуг неабыякавых людзей з партрэтамі ахвяраў палітычных рэпрэсыяў рэжыму Лукашэнкі – Юры Захаранкі, Віктара Ганчара, Анатоля Красоўскага, Зьміцера Завадзкага, Генадзя Карпенкі, Анатоля Майсені, Андрэя Клімава й Валеры Шчукіна – стане ў чацьвер 9 жніўня а 17.00 ля будынку тэлецэнтра ў Менску. Лідэр АГП Анатоль Лябедзька, у камэнтары гэтай ініцыятывы, адзначыў: “Для мяне прозьвішчы Зімоўскі, Азаронак, Новікаў – сінонімы слова “хлусьня”. Сёньняшняе БТ гэта рассаднік хлусьні і калектыўны саўдзельнік злычынства – выкраданьня вядомых у Беларусі людзей. У спробе замоўчваць ці скажаць тое, што здарылася зь Віктарам Ганчаром, Юры Захаранкам, Генадзем Карпенкам і іншымі ахвярамі дыктатуры, дзяржаўныя СМІ становяцца ў адзін шэраг з арганізатарамі й выканальнікамі злачынстваў”.
Працягваецца сьледзтва па факту выбуху на тэрыторыі расейскай амбасады ў Менску ўначы 31 траўня. У якасьці галоўнага падазронага сьледчая група КДБ назвала ў канцы мінулага тыдня члена моладзевага крыла Беларускага народнага фронту 17-гадовага Івана Тамашэвіча. Нагадаем, што інцыдэнт адбыўся напярэдадні прыбыцьця ў беларускую сталіцу на саміт главаў дзяржаваў СНД расейскага прэзыдэнта Ўладзімера Пуціна.
Грамадзкае аб’яднаньне “Цитадель”, створанае па ініцыятыве Брэсцкага аблсавету ў падтрымку Аляксандра Лукашэнкі, членамі якога сталі многія прадстаўнікі ўлады й БПСМ, не дачакаўшыся рэгістрацыі А.Лукашэнкі ў якасьці кандыдата, праводзіць інфармацыйную працу з насельніцтвам, пераконваючы людзей, што сем гадоў прэзыдэнцтва А.Лукашэнкі – лепшае, што магло быць у Беларусі.
Александр Лукашенко заявил, что нынешняя кампания по уборке урожая имеет важное значение для государства в силу больших политических событий - предстоящих президентских выборов. Об этом Лукашенко сообщил на селекторном совещании с руководителями областных и районных исполнительных комитетов. В совещании также принимают участие члены правительства.
Для забеспячэньня ўборкі ўраджаю сельскагаспадарчым арганізацыям Беларусі будзе выдадзена 40 тысячаў тонаў дызельнага паліва і 20 тысячаў тонаў аўтамабільнага бензіну ў выглядзе таварнага крэдыту. Такое даручэньне Дзяржаўнаму камітэту па матэрыяльных рэзэрвах утрымліваецца ў пастанове, якая прынята Саветам Міністраў.
Кіраўніцтва Сацыялістычнай партыі Сэрбіі ўпершыню адкрыта запярэчыла свайму лідэру Слабадану Мілошавічу, які, са сьледчага ізалятару ў Гаазе спрабуе кіраваць справамі партыі. Сацпартыя выходзіць з-пад кантролю Слабадана Мілошавіча.
Арганізацыя па бясьпецы й супрацоўніцтву ў Эўропе абвінавачвае Беларусь у парушэньні міжнародных пагадненьняў і патрабуе дапусьціць назіральнікаў на прэзыдэнцкія выбары. Як гаворыцца ў заяве дырэктара Бюро АБСЭ па дэмакратычных інстытутах і правох чалавека Жэрара Студманна, што паступіла у аўторак, “ніколі яшчэ дзяржава-член АБСЭ не адмаўляла ва ўезьдзе членам Місіі назіральнікаў АБСЭ”.
“Беларускія ўцекачы абвінавачваюць прэзыдэнта Лукашэнку ў арганізацыі выкраданьняў і забойстваў апанентаў рэжыму”, - артыкул з такім назовам была апублікаваны ўчора ў нямецкай газэце Frankfurter Rundschau. Журналіст Штэфан Кох піша: “На беларускае кіраўніцтва падае жахлівае падазрэньне: за чатыры тыдні да прэзыдэнцкіх выбараў яно абвінавачваецца ў арганізацыі зьнікненьняў апазыцыянэраў. Гэтыя абвінавачваньні ня толькі сыходзяць з самой Беларусі, яны былі сур’ёзна ўспрыняты і ў Злучаных Штатах Амэрыкі”.
Жонка былога начальніка Менскага сьледчага ізалятара Алега Алкаева Ірына не падцьвердзіла зьвестак пра тое, што ейны муж эмігрыраваў у Нямеччыну. Як паведаміла Радыё Свабода, па словах Ірыны Алкаевай, ужо больш за месяц ейны муж знаходзіцца ў сваякоў Расеі, і яна ня мае зьвестак пра тое, што ён адтуль кудысьці зьехаў. Галоўнай прычынай ад’езду ў Расею Алега Алкаева ягоная жонка назвала апасеньне за жыцьцё.
Стыхійны мітынг каля Дому ўраду адбыўся ўчора ў Менску. Маці загінулых у беларускіх войсках салдатаў пратэставалі супраць ігнараваньня іхніх праблемаў дзяржаўнымі чыноўнікамі. Кіраўнік так званай “палаты прадстаўнікоў” Вадзім Папоў прыняць людзей адмовіўся.
Вядомыя дэмакратычныя маладзёвыя арганізацыі Беларусі 6 жніўня выступілі з сумеснаю заяваю супраць рэпрэсыўных дзеяньняў уладаў перад выбарамі. Заяву падпісалі 17 арганізацыяў, у тым ліку “Малады Фронт”, “Моладзь Аб’яднанай грамадзянскай партыі”, ЗУБР, “Маладая грамада” “Маладыя сацыял-дэмакраты”. “Задзіночаньне беларускіх студэнтаў” і іншыя. Маладзёвыя арганізацыі заявілі, што па меры набліжэньня даты прэзыдэнцкіх выбараў рэпрэсыі супраць іх узмацняюцца.
У Пракуратуры Беларусі створана рабочая група па назіраньні за выкананьнем заканадаўства аб выбарах. Пра гэта праінфармаваў Аляксандра Лукашэнку генэральны пракурор Віктар Шэйман, якога Аляксандар Лукашэнка прыняў 6 жніўня са справаздачаю. Як паведамляе прэс-служба прэзыдэнта, у размове з генпракурорам Лукашэнка падкрэсьліў асаблівую важкасьць забесьпячэньня законнасьці падчас правядзеньня прадвыбарчай кампаніі.
Кіраўніцтва радыёстанцыяў “Свабода” і “Свабодная Эўропа” аб’явіла пра пашырэньні вяшчэньня на Беларусь. На кароткіх хвалях аб’ём перадачаў падвойваецца – з 4 да 8 гадзінаў, а на сярэдніх – павялiчваецца з 7 да 10 гадзінаў. У сярэднехвалявым дыяпазоне перадачы трансьлююцца на Беларусь літоўскай філіяй амэрыканскіх радыёгаласоў - радыёстанцыяй “Балтыйскія хвалі”. Прэзыдэнт радыёстанцыяў Томас Дайн не хаваў, што дадзеная ініцыятыва прысьвечана прэзыдэнцкім выбарам у Беларусі, што прызначаныя на 9 верасьня.
На Магілёўскім мясакамбінаце ажыцьцяўляецца спроба ліквідацыі прафсаюзнай арганiзацыі. Па словах старшыні Магілёўскага абласнога аб’яднаньня прафсаюзаў Анатоля Любчанкі, заводзкая прафарганізацыя прадпрыемства ліквідуецца па ініцыятыве кіраўніцтва камбінату. У прафсаюзную арганізацыю прадпрыемства ўваходзяць каля 1200 чалавек.
, iнформэр
