Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На гэтым тыдні сп.Лукашэнка заявіў, што 90% насельніцтва нібы прагаласуе за яго 9 верасьня. Наўрадці яму спатрэбіцца такі непраўдападобны вынік. Праз сем гадоў ягонага прыходу й зьмены Канстытуцыі ў 1996 годзе, якая дазволіла яму засяродзіць уладу ў сваіх руках, ён, верагодна, можа мець любы вынік, які толькі не пажадае. Адклаўшы ў бок галечу, цёмны бок кіраваньня Лукашэнкі ўтрымлівае магутны й жорсткі апарат, які выкарыстоўваецца для ўціску іншадумства. Напрацягу апошніх некалькіх тыдняў уцечка дакумэнтаў і паказаньні перабежчыкаў сьведчылі аб існаваньні дзяржаўнага “эскадрону сьмерці”, першапачаткова створанага для расправы над лідэрамі злачынных груповак, а пасьля і над незадаволенымі рэжымам.
Незаконны вобыск у гарадзенскім штабе патэнцыйнага кандыдата ў прэзыдэнты старшыні гарадзенскай арганізацыі “Ратуша” правялі сёньня ў Гародні супрацоўнікі адзьдзелу па барацьбе з эканамічнай злачыннасьцю. Ня гледзячы на тое, што АБЭЗ ня меў санкцыяў на вобыск у офісе аб’яднаньня “Ратуша”, у штабе Домаша была канфіскаваная дакумэнтацыя, кампутары і ўся аргтэхніка. Супрацоўнікі адзьдзелу па барацьбе з эканамічнай злачыннасьцю не патлумачылі сваіх супрацьпраўных дзеяньняў.
Рух супраціву ЗУБР выклікае на допыт старшыню Камітэту дзяржбясьпекі Беларусі Леаніда Ерына. Актывісты ЗУБРа даставілі позву на кватэру кіраўніка КДБ, а таксама адправілі па пошце на месца працы. Старшыні КДБ прапанавана зьявіцца да помніка Фелікса Дзяржынскага на прашпэкце Скарыны а 12.00 13 жніўня. Там зубры хочуць задаць яму пытаньні аб зьніклых у Беларусі вядомых людзях – Юры Захаранку, Віктары Ганчары, Анатолі Красоўскім й Зьміцеры Завадзкім.
Варшаўскі акруговы суд адмовіўся ад экстрадыцыі ў Беларусь бізнэсоўца Леаніда Волка, які знаходзіцца зараз у Польшчы. Былы генэральны дырэктар сумеснага беларуска-амэрыканскага прадпрыемства “Метынком” абвінавачваецца ў фінансавых махінацыях. І на гэтай падставе афіцыйны Менск патрабаваў ягонай выдачы. Прычым само абгрунтаваньне судовага рашэньня па сваёй сутнасьці прыніжальнае для беларускай Феміды: бізнэсмэн ня можа быць выдадзены менавіта таму, што ў Беларусі адсутнічае незалежная судовая сыстэма, судзьдзі прызначаюцца на свае пасады й вызваляюцца ад іх асабіста Аляксандрам Лукашэнкам.
На расейскім палігоне Капусьцін Яр рыхтуюцца першыя баявыя пускі мадэрнізаванага зенітна-ракетнага корпусу “Печора-2”, створанага расейска-баларускай міждзяржаўнай фінансава-прамысловай групаю “Абарончыя сыстэмы”. Па словах памочніка прэзыдэнта ТАА “Абарончыя сыстэмы” Ігара Мешчана, "Печора-2" – гэта мабільны, высокаэфектоўны зянітны ракетны комплекс, здольны выконваць баявыя задачы ва ўмовах сучаснай вайны.
У некаторых калгасах і саўгасах Гомельскай вобласьці заробак выдаецца натураю, бо запазычанасьць у аграпрамысловым сэктары гэтага рэгіёну складае каля 2 млрд. рублёў. Праўда, абласныя чыноўнікі запэўніваюць, што людзі ўсё ж атрымоўваюць грошы. Намесьнік старшыні камітэту па сельскай гаспадарцы й харчаваньню аблвыканкаму Мікалай Чарныш кажа, што распрацаваны механізм “обналичивания” тавару. Работнік расьпісваецца ў ведамасьці аб тым, што ў якасьці заробку атрымаў зерне, якое гаспадарка цэнтралізавана здае ў нарыхтоўчы пункт. Туды сама паступаюць і ведамасьці з гаспадарак, а пасьля йдуць работнікі, зь якімі нарыхтоўцы й разьлічваюцца жывымі грашыма.
Місія па вывучэньні сытуацыі з правамі чалавека ў Беларусі, арганізаваная Міжнароднай федэрацыяй Лігі правоў чалавека й Міжнароднай арганізацыяй супраць катаваньняў наведала з візытам Беларусь у перыяд з 14 па 21 ліпеня 2001 г. і выступіла на Падкамісіі ААН па ўхваленьні й абароне правоў чалавека. Місія назіраньня заявіла пра існаваньне ў Беларусі сур’ёзных перашкодаў для прынцыпу свабоды сходаў. Місіяй былі адзначаныя парушэньні заканадаўства, судовага і адміністратыўнага характару, а таксама правапарушэньні з боку супрацоўнікаў праваахоўчых ворганаў. Ніжэй мы прыводзім сьпіс парушэньняў, адзначаных Місіяй па назіраньню.
Прэс-канферэнцыю Аляксандра Лукашэнкі, што адбылася ў Менску 8 жніўня, нельга назваць звычайнай. Упершыню за тры гады на яе былі дапушчаныя журналісты недзяржаўных СМІ. Упершыню папярэдне не ўзгадняліся пытаньні, што задаваліся беларускаму лідэру. Падчас гэтай нечаканай сустрэчы Аляксандар Лукашэнка паставіў перад журналістамі адну ўмову: усё ім сказанае павінна быць надрукавана без усялякіх скажэньняў. Мы прапануем вашай увазе два інтэрвію, апублікаваныя сёньня ў дзьвюх незалежных выданьнях: “Белорусской деловой газете” і “Народнай волі”. Журналісты гэтых газэтаў распытвалі Лукашэнку пра розныя рэчы – пра лёс зьніклых палітыкаў і пра стан ягонага псыхічнага здароўя.
Прэтэндэнт на пост главы Беларусі, адзіны кандыдат ад шырокай грамадзянскай кааліцыі старшыня ФПБ Уладзімер Ганчарык гатовы абнародаваць новыя “сэнсацыйныя выкрываньні” аб датычнасьці беларускіх уладаў да зьнікненьня апазыцыйных палітыкаў. На прэсавай канферэнцыі ў Віцебску Ганчарык паведаміў, што “ёсьць матэрыялы, якія ў хуткім часе будуць абнародаваныя”, i нагадаў аб абнародваньнi ім раней матэрыялаў, зьвязаных з існаваньнем на Беларусі “эскадронаў сьмерці”, што зьнічтажаў па загаду ўладаў палітычных апанентаў рэжыму.
Кіраўнікі Гэльсінкскага камітэту ЗША заклікаюць Беларусь даць дазвол назіральнікам АБСЭ прысутнічаць на прэзыдэнцкіх выбарах 9 верасьня 2001. “Адмаўленьне беларускіх уладаў выдаць запрашэньні для БДІПЧ АБСЭ, каб яны змаглі назіраць за прэзыдэнцкімі выбарамі, не абяцае сумленнага працэсу выбараў”, - заявіў старшыня Гэльсінкскага камітэту Бэн Найтхорс Кэмпбэлл.
У апошні час сілавыя стуктуры вядуць кампанію па застрашэньні й дыскрэдытацыі Аб’яднанай грамадзянскай партыі. Разгромлены офіс у Крычаве. За ініцыятыву стварэньня рэгіянальнай КРДС ўзбуджана судовая справа адносна кіраўніка Салігорскай арганізацыі АГП Ларысы Насановіч. Учынены напад на памяшканьне, дзе знаходзіўся штаб мабілізацыйнай кампаніі моладзі АГП. Падвергліся фізычнаму гвалту і псыхічнаму ўціску актывісты ў Салігорску, Крычаве, Менску, Гародні, Дзяржынску, Віцебску. АГП ацэньвае распачатую зачыстку як сплянаваную акцыю, як рэакцыю ўладаў на ініцыянаваную партыяй агульнанацыянальную кампанію “Хочам ведаць праўду”.
9 жніўня Слонімскі адзьдзел КДБ выклікаў актывіста ЗУБРа Алеся Масюка. Яму прыслалі позву без указаньня мэты выкліку. Высьветлілася, што слонімскія “гэбісты” шукаюць тэрарыстаў. У КДБ з Алесем Масюком размаўлялі начальнік гарадзкога адзьдзелу КДБ Алег Лаўрэнка й супрацоўнік Камітэту Ігар Рудакоў. У хлопца пыталі, дзе ён знаходзіўся падчас выбуху на тэрыторыі расейскай амбасады ў Менску ў апошні дзень траўня, што ён ведае пра гэты выбух, як адносіцца да палітычнага экстрымізму.
Звыш 250 тысячаў членаў Беларускага патрыятычнага саюзу моладзі будуць назіральнікамі на выбарах прэзыдэнта рэспублікі. Яны маюць намер прысутнічаць на ўсіх выбарчых участках, паведамілi карэспандэнту БЕЛТА ў моладзевай арганізацыі. Прычым, будуць кантраляваць i ход датэрміновага галасаваньня. Калі ўлічыць, што рэйтынг БПСМ у апошні час вагаецца ў раёне нуля, такая шматлікасьць моладзі, якая ўваходзіць у шэрагі БПСМ не можа не зьдзіўляць. Бо калі верыць гэтай заяве, то атрымоўваецца, што ў назіральнікі ад БПСМ пойдзе кожны саракавы беларус, уключна з дзецьмі й старымі.
Плян надыходзячага комплекснага аператыўна-тактычнага навучаньня “Нёман-2001”, якім будзе кіраваць міністар абароны генэрал-лейтынант Леанід Мальцаў, распрацаваны строга ў адпаведнасьці з патрабаваньнямі зацьверджанай Лукашэнкам Канцэпцыі нацыянальнай бясьпекі і Ваеннай дактырынай, праэкт якой зараз знаходзіцца ў парлямэнце. У аснове гэтай задумы ляжыць сцэнар аднаго з магчымых варыянтаў узьнікненьня ўзброенага канфлікту паміж двума дзяржавамі. Для апрацоўкі такога варыянту Беларусь будзе ўмоўна падзелена на дзьве дзяржавы – “Чырвоную рэспубліку” і “Сінюю рэспубліку”.
Адна з галоўных праблемаў правядзеньня жніва на тэрыторыі Магілёўскай вобласьці зьяўляецца дэфіцыт паліва. Па дадзеных на 9 верасьня, 206 гаспадарак вобласьці мелі запас паліва менш, чым на два дні. У той самы дзень такіх гаспадарак было 178. Аднак, як сцьвярджжаюць мясцовыя ўлады, з-за недахопу паліва спыненьня палявых працаў на Магілёўшчыне пакуль ня было.
, iнформэр
