Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Напад на офіс моладзевага аб’яднаньня “Гарт” 11:16, 10/08/2001
Напад на офіс моладзевага цэнтру “Гарт” вось ужо другі раз зьдзейсьнены ў Гомлі супрацоўнікамі Камітэту дзяржбясьпекі. На гэты раз з офісу, на базе якога працуюць некалькі моладзевых арганізацыяў, у тым ліку й ЗУБР, канфіскаваныя ўсе кампутары і аргтэхніка. Арыштавана чацьвёра актывістаў руху ЗУБР. Узбуджана крымiнальная справа за графiцi.
Прычына канфіскацыі маёмасьці моладзевага цэнтру пакуль нявядомая, але калі ўлічваць, што сталі больш частымі крадзяжы грамадзкіх аб’яднаньняў, якія улады тлумачаць дзеяньнем дэкрэту №8, хутчэй за ўсё абсталяваньне канфіскавана менавіта па гэтай прычыне.
Нагадаем, што гэта ўжо другі выпадак нападу на “Гарт”. Два дні таму ў офіс таксама спрабавалі ўварвацца супрацоўнікі КДБ, якіх, аднак, ня ўпусьцілі. У адказ яны абясточылі будынак і затрымалі дваіх непаўнагадовых зуброў, аднаму зь якіх прыйшлося правесьці ноч ў прыёмніку-разьмеркавальніку.
, iнформэр
