Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЦВК нават не разглядае дэклярацыю аб даходах Лукашэнкі 11:10, 13/08/2001
Цэнтральная камісія Рэспублікі Беларусь па выбарах і правядзеньні рэспубліканскіх рэферэндумаў завяршае падрыхтоўку да рэгістрацыі кандыдатаў у прэзыдэнты. Як паведаміў БелаПАН сакратар Цэнтрвыбаркаму Мікалай Лазовік, зараз сканчваецца праверка дэклярацыяў аб даходах і маёмасьці патэнцыйных прэтэндэнтаў на прэзыдэнцкі пост і іхніх сваякоў. У сувязі з гэтым 11 і 13 жніўня ў Цэнтрвыбаркам выклікалі Сямёна Домаша, Уладзімера Ганчарыка й Сяргея Гайдукевіча.
Аднак, па словах сакратара ЦВК, гэта не азначае, што ў дэклярацыях гэтых прэтэндэнтаў выяўленыя нейкія факты ўтойваньня даходаў ці маёмасьці. Як сказаў Лазовік, Цэнтрвыбаркам проста хоча атрымаць яснасьць адносна пытаньняў, што цікавяць яго.
Што да дэклярацыяў, перададзеных ЦВК Аляксандрам Лукашэнкам, то, як сказаў сакратар камісіі, у іх “разглядаць няма чаго”. “Там акрамя менскага матацыкла сына й дому нічога ня лічыцца”, - паведаміў М.Лазовік. Ён ня стаў раскрываць, ці чакаюцца падчас рэгістрацыі кандыдатаў у прэзыдэнты якія-небудзь нечаканасьці. “Няхай інтрыга трошкі пабудзе”, - сказаў сакратар ЦВК.
Нагадаем, што цырымонія рэгістрацыі кандыдатаў у прэзыдэнты адбудзецца заўтра у Палацы Рэспублікі.
, iнформэр
