Лукашэнка й Ганчарык будуць выступаць у СМІ ў адны і тыя ж дні :: Хартыя'97 :: Навiны

Жэраб’ёўка па разьмеркаваньні эфіранага часу паміж кандыдатамі на пасаду главы дзяржавы Сяргеям Гайдукевічам, Уладзімерам Ганчарыкам, Сямёнам Домашам і Аляксандрам Лукашэнкам адбылася 15 жніўня на паседжаньні Цэнтрвыбаркаму. Удзел у гэтай працэдуры прынялі кіраўнікі іхных выбарчых штабаў. Нагадаем, што згодна пастанове ЦВК, кожны з кандыдатаў мае права на два бясплатных паўгадзiнных выступы па беларускім радыё i два - па БТ. Усе выступы будуць трансьлявацца ў запісы.

У выніку жэраб’ёўкі эфірны час разьмеркаваўся такім чынам, што Ўладзімер Ганчарык і Аляксандар Лукашэнка павінны будуць выступіць па радыё і тэлебачаньні практычна ў адны і тыя ж дні з розьніцаю ў паўгадзіны. Так, Уладзімер Ганчарык выступіць на БТ 22 жніўня з 19.00 да 19.30; 29 жніўня з 19.00 да 19.30. Аляксандар Лукашэнка – 22 жніўня з 18.30 да 19.00; 29 жніўня з 18.30 да 19.00.

Выступ Уладзімера Ганчарыка можна будзе пачуць па радыё 24 жніўня з 8.00 да 8.30 і 31 жніўня з 8.00 да 8.30, Аляксандар Лукашэнка – 24 жніўня 8.30 да 9.00, 30 жніўня з 8.00 да 8.30

Сямён Домаш выступіць на Беларускай тэлевізыі 21 жніўня з 19.00 да 19.30 і 28 жніўня з 19.00 да 19.30, 23 жніўня з 8.00 да 8.30; па радыё - 31 жніўня з 8.30 да 9.00, 31 жніўня з 8.30 да 9.00.

У час паседжаньня Цэнтрвыбаркам зарэгістраваў давераных асобаў кандыдатаў у прэзыдэнты. У Гайдукевіча i Лукашэнкi іх было па 30 чалавек. Гэта максімальная колькасьць, прадугледжаная Выбарчым кодэксам. Ганчарыка й Домаша - па 28 чалавек. Прозьвішчы давераных асобаў кандыдатаў не называліся.