Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Домаша - Рыгор Барадулін, у Лукашэнкі – Міша Фінберг з аркестрам 11:15, 16/08/2001
Сярод паверанных асобаў кандыдатаў у прэзыдэнты нямала вядомых у Беларусі людзей, вучоных, дзеячоў культуры, палітыкаў. Так, па паведамленьні БелаПАН, сярод 28 паверанных асобаў адзінага кандыдата ў прэзыдэнты ад шырокай грамадзянскай кааліцыі прафесар Юры Хадыка, паэт Генадзь Бураўкін, вядомы дыктар Зінаіда Бандарэнка. У Домаша – вядомы кінарэжысэр Юры Хашчавацкі, народны паэт Беларусі Рыгор Барадулін, бард Віктар Шалкевіч. Сярод найбольш вядомых людзей, якія сталі павераннымі асобамі Аляксандра Лукашэнкі, дэпутат і пісьменьнік Мікалай Чаргінец, былы першы сакратар ЦК Кампартыі Беларусі Ефрэм Сокалаў, дырыжор Міхаіл Фінберг і іншыя.
У лік паверанных асобаў Уладзімера Ганчарыка ўвайшлі таксама 5 былых прэтэндэнтаў на пост прэзыдэнта – Павал Казлоўскі, Сяргей Калякін, Міхаіл Марыніч, Аляксандар Ярашук, Міхаіл Чыгір, а таксама лідэр Аб’яднанай грамадзянскай партыі Анатоль Лябедзька, кіраўнікі Беларускай партыі жанчын “Надзея” Валянціна Палевікова, партыі працы Аляксандар Бухвостаў, намесьнік старшыні Партыі БНФ, дэпутат Врхоўнага Савету Беларусі 13-га скліканьня Ўладзімер Кудзінаў і іншыя.
, iнформэр
