Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
300 тысячаў асобнікаў спэцыяльнага выпуску незалежнай газэты “Наша Свабода”, прысьвечанаму адзінаму кандыдату ад шырокай грамадзянскай кааліцыі Ўладзімеру Ганчарыку, былі арыштаваныя сёньня супрацоўнікамі Камітэту фінансавых расьсьледаваньняў і Першамайскага аддзелу па барацьбе з эканамічнымі злачынствамі.“За час існаваньня газэты было надрукавана больш за 15 спэцвыпускаў і толькі гэты, прысьвечаны адзінаму кандыдату, быў канфіскаваны як раз напярэдадні выбараў”, - заявіў прэс-цэнтру Хартыі’97 выдавец “Нашай Свабоды” Павал Жук.
Налоговая инспекция Фрунзенского района Минска занялась проверкой хозяйственной деятельности Центрального координационного совета по наблюдению за выборами, входящего в состав гражданской инициативы «Независимое наблюдение». «Независимое наблюдение», как известно, намерена провести параллельный подсчет голосов избирателей на предстоящих президентских выборах Беларуси. Эта инициатива вызвала крайне негативную реакцию со стороны властей – Минюст только вчера объявил ее «незаконной». И вот уже сегодня стало известно, что в результате проверки налоговая инспекция намерена конфисковать часть оборудования входящей в состав «Независимого наблюдения» организации.
Кіраўніцтва Жодзінскага СІЗА й Камітэт па выкананьні пакараньняў пры МУС Беларусі адмовілі кіраўніку справамі Беларускай аўтакефальнай праваслаўнай царквы пратаіерэю Яну Спасюку сустрэцца з арыштаваным дэпутатам Вярхоўнага Савету, праваабронцам і журналістам Валеры Шчукіным. У сувязі з гэтым Беларуская аўтакефальная праваслаўная царква выказала рашучы пратэст супраць парушэньня канстытуцыйнага права грамадзянаў на свабоду веравызнаньня і заявіла, што ганеньні супраць вядомага правабаронцы Валеры Шчукіна напярэдадні прэзыдэнцкіх выбараў сьведчыць пра нежаданьне існага рэжыму захоўваць асноўныя правы чалавека.
Наклад спэцыяльнага выпуску незалежнай газэты “Наша Свабода” быў арыштаваны супрацоўнікамі аддзелу па барацьбе з эканамічнай злачыннасьцю ў прыватнай друкарні “Мэджык”. Спэцвыпуск быў прысьвечаны адзінаму кандыдату ад шырокай грамадзянскай кааліцыі Ўладзімеру Ганчарыку. На дадзены момант у друкарню для разьбіральніцтва выехаў выдавец “Нашай Свабоды” Павал Жук. А 13.45 у выдавецтве “Мэджык” (Кнорына, 50) адбудзецца прэс-канферэнцыя, на якой журналісты змогуць задаць свае пытаньні выдаўцу газэты й супрацоўнікам АБЭЗу.
Трое служачых унутраных войскаў без тлумачэньня прычынаў і без складаньня пратаколу забралi ўчора ў Менску ў двух актывістак ЗУБРа бе-чырвона-белы сьцяг. Сьцяг міліцыянты знайшлі ў іхняй сумцы, бо на дадзены момант практычна ўсе, хто ходзіць у майках з лягатыпам ЗУБРа, падвяргаецца асабістаму дагляду з боку міліцыі. Група з 30 зуброў патрабавала ад ваеннаслужачых прадставіцца і патлумачыць прычыну канфіскацыі сьцяга. Ваеннаслужачыя заявілі, што ў прадвыбарчы перыяд яны дзейнічаюць не па законах, а па загадах.
Міністэрства юстыцыі Беларусі пасьпяшалася выступіць з заяваю, што намеры кандыдатаў у прэзыдэнты, якія падпісалі Пагадненьне “Аб узаемных абавязацельствах адзінага кандыдата й шырокай грамадзянскай кааліцыі ў перыяд і пасьля выбараў Прэзыдэнта Рэспублікі Беларусь”, нібы супярэчаць Канстытуцыі.
Самая тыражная афіцыйная газэта краіны “Советская Белоруссия”, што належыць Адміністрацыі прэзыдэнта, пачала публікаваць на сваіх старонках макеты, якія заклікаюць выбіраць новую ўладу. Пад шапкай “Час выбару” друкуюцца два фотаздымкі. На чорна-белым здымку жабрак, або чалавек, які пакутуе ад сацыяльна-бытавай неўладкаванасьці. На каляровым здымку – тое, як гэты чалавек будзе жыць пры новай уладзе. Чытачу нібы прапаноўваецца зрабіць выбар паміж старым і новым.
Аляксандар Лукашэнка заявіў аб недапушчальнасьці правядзеньня ў аграрным сэктары краіны “каких-либо земельных реформ”. Як паведаміў Інтэрфакс, у чацьвер у сваім выступе перад сялянамі Шчучына, Лукашэнка падкрэсьліў, што менавіта буйнагандлёвая вытворчасьць ў бліжэйшай перспэктыве застанецца асноваю аграпрамысловага комплексу Беларусі. "Колхозы и совхозы разгонять не собираюсь", - адзначыў Аляксандар Лукашэнка.
Цэнтрвыбаркам адмовіўся выдаць пасьведчаньне павераннай асобы кандыдата ў прэзыдэнты Сямёна Домаша, выпісанае на імя Валеры Шчукіна, які адбывае тромесячны арышт у СІЗА УУС Менаблвыканкаму ў Жодзіна.
У распаўсюджанай 16 жніўня Міністэрствам заяве адзначаецца, што “у апошні час асобныя СМІ паведамляюць аб падрыхтоўцы незарэгістраванага грамадзкага аб’яднаньня “Незалежнае назіраньне” да назіраньня за працаю выбарчых камісіяў й паралельнаму падліку галасоў з тым, каб 10 верасьня 2001 года аб’явіць свае вынікі галасаваньня”. У сувязі з гэтым Міністэрства юстыцыі нагадвае, што дзейнасьць асобаў, якія выступаюць ад імя незарэгістраваных грамадзкіх фармаваньняў, зьяўляецца адміністратыўным правапарушэньнем, а “заплянаваная дзейнасьць незалежных назіральнікаў супярэчыць заканадаўству Рэспублікі Беларусь”.
Завяршаецца аб’яднаньне выбарчых штабаў кандыдатаў у прэзыдэнты Ўладзімера Ганчарыка й Сямёна Домаша. Нагадаем, што ў адпаведнасьці з падпісаным паміж прэтэндэнтамі на прэзыдэнцкі пост пагадненьнем, Домаш у хуткім часе павінен зьняць сваю кандыдатуру на карысьць адзінага кандыдата ад дэмакратычных сілаў Ганчарыка й перадаць свае арганізацыйныя структуры ў ягонае распараджэньне.
, iнформэр
