Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ВГС адмовіў у зыску да Беларускай тэлевізыі 11:02, 20/08/2001
Вышэйшы гаспадарчы суд Беларусі адмовіў ТАА “Відэё інтэрнэшнл”, якое займаецца разьмяшчэньнем рэклямы на расейскім тэлеканале НТБ у зыску да Нацыянальнай дзяржаўнай тэлерадыёкампаніі. Гэта адбылося падчас судовага паседжаньня 17 жніўня.
Як паведаміў БелаПАН дырэктар ТАА “Відэё Інтэрнэшнл” Сьвятаслаў Тапеха, суд адмовіў у зыску на той падставе, што НТБ не зьяўляецца рэзыдэнтам Рэспублікі Беларусь, а значыць ня можа адстойваць у беларускім судзе аўтарскія правы.
“Аўтарскія й сумежныя правы мы насамрэч атрымалі ад НТБ, але ТАА зьяўляецца рэзыдэнтам Рэспублікі Беларусь і на наш погляд мае права зьвяртацца ў суд”, - заявіў Тапеха.
На думку дырэктара ТАА “Відэё Інтэрнэшнл”, “чамусьці лічыцца, што Беларускае тэлебачаньне лепш не чапаць, і паколькі нашыя патрабаваньні былі б абавязкова задаволеныя, суд палічыў, што лепей наогул адмовіць нам у зыску”.
У панядзелак, 20 жніўня, ТАА атрымаў з суда матываваную частку рашэньня, пасьля чаго вызначыцца з наступнымі дзеяньнямі.
“Судовыя дзеньні будуць працягвацца”, – заявіў Тапеха.
