Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Цэнтрвыбаркам адмовіў кандыдатам у прэзыдэнты ў прамым эфіры 11:08, 20/08/2001
Цэнтральная камісія Рэспублікі Беларусь па выбарах і правядзеньні рэспубліканскіх рэферэндумаў 17 жніўня разгледзела сумесную заяву трох кандыдатаў у прэзыдэнты - Сяргея Гайдукевіча, Уладзімера Ганчарыка й Сямёна Домаша, якія напярэдадні зьвярнуліся ў Цэнтрвыбаркам з просьбаю прыняць рашэньне аб прадастаўленьні ўсім прэтэндэнтам на пасаду кіраўніка дзяржавы прамога тэлевізыйнага эфіру. Сваё патрабаваньне яны матывуюць шэрагам прычынаў, у прыватнасьці, магчымасьцю цэнзуры й скажэньняў запісаных папярэдне выступаў. Яны мяркуюць, што з выступаў можа быць выкінуты тэкст, які зьмяшчае крытыку існага рэжыму.
Цэнтрвыбаркам не знайшоў падстаў для зьмены адпаведнай пастановы. У адказе тром кандыдатам гаворыцца аб тым, што іхняя заява не зьмяшчае матываванага абгрунтаваньня прад`яўленага патрабаваньня: "Яна заснавана толькі на меркаваньнях аб магчымым скажэньні тэксту іх перадвыбарчага выступу".
, iнформэр
