Уладзімер Ганчарык мае намер спыніць палітычня рэпрэсыі :: Хартыя'97 :: Навiны

Адзіны кандыдат у прэзыдэнты ад шырокай грамадзянскай кааліцыі кіраўнік Федэрацыі прафсаюзаў Беларусі Ўладзімер Ганчарык у выпадку свайго выбраньня мае намер за час першых ста дзён правесьці рэабілітацыю незаконна асуджаных, аднавіць права незаконна звольненых, забараніць вышук і сочку. Пра гэта гаворыцца ў прадвыбарчай праграме кандыдата, перададзенай ў “Інтэрфакс” у аўторак.

Уладзімер Ганчарык таксама зьбіраецца “прыняць вычарпляльныя меры” па вызначэньні віноўных у зьнікненьні людзей, у тым ліку вядомых палітычных і грамадзкіх дзеячоў, аднавіць незалежасьць судовай сыстэмы, забясьпечыць дзейсную барацьбу са злачыннасьцю і карупцыяй. Кандыдат лічыць неабходным павысіць аўтарытэт работнікаў правааахоўчых ворганаў і палепшыць іх працу, у першую чаргу па абароне і маёмасных правоў грамадзянаў.

Кандыдат будзе “рэальна забясьпечваць канстытуцыйныя правы грамадзянаў, уключна з правам на свабоду слова, перакананьняў, вераспавяданьня, недатыкальнасьць і годнасьць асобы”.