Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прадвыбарчую праграму Лукашэнкі будуць друкаваць дзяржаўныя газэты 11:11, 23/08/2001
Усе цэнтральныя дзяржаўныя газэты атрымалі ўказаньне перадрукаваць з «Советской Белоруссии» прадвыбарчую праграму Аляксандра Лукашэнкі. Перадрук павінен дакладна адпавядаць арыгіналу. Галоўным рэдактарам дзяржаўных выданьняў строга забаронена нават на мілімэтр зьмяншаць здымак Аляксандра Лукашэнкі. А тэкст загадана цалкам разьмесьціць толькі на першай паласе.
Амаль усе цэнтральныя дзяржаўныя выданьні, напрыклад, «Чырвоная змена», «Знамя юности», «Звязда», «Рэспубліка» выходзяць фарматам А3 (гэта палова паласы «Советской Белоруссии»). Каб выканаць выдвар Лукашэнкі ім прыйдзецца тэрмінова «падрасьці». Для некаторых газэтаў – гэта ня толькі дадатковыя клопаты, але і істотныя матэрыяльныя выдаткі. Да таго ж, ілюстрацыі да праграмы Лукашэнкі павінны быць каляровымі. А каляровы друк дорага каштуе.
Зрэшты, усе дзяржаўныя выданьні фінасуюцца з бюджэту краіны. Так што разьлічвацца за прадвыбарчую праграму Лукашэнкі прыйдзецца ўсім падаткаплацельшчыкам.
, iнформэр
