Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Калі Лукашэнка застанецца пры ўладзе, Яраслаў Еўдакімаў адмовіцца ад званьня народнага артыста 11:17, 23/08/2001
Народны артыст Беларусі Яраслаў Еўдакімаў заявіў, што адмовіцца ад гэтага высокага званьня, калі прэзыдэнтам краіны зноў будзе абраны Аляксандар Лукашэнка. Яраслаў Еўдакімаў лічыць, што такім чынам зможа ўзьдзейнічаць на беларусаў, многія зь якіх “усё яшчэ жывуць з павязкай на вачах”.
Напэўна, самы папулярны беларускі сьпявак, чые шлягеры вядомыя ва ўсіх краінах былога СССР, зьехаў зь Беларусі некалькі гадоў таму пасьля скандалю, зьвязанага з паклёпам на сьпявака з боку “прыдворнага” кампазытара Ігара Лучанка, Еўдакімаў стаў працаваць у Маскве. У Менску ён бывае толькі час ад часу. Сёлета Яраслаў Еўдакімаў правёў у Беларусі каля чатарох месяцаў запар. Па ягоных словах, гэта дазволіла адчуць, якая бяда напаткала краіну, лёс якой неабыякавы сьпеваку.
Яраслаў Еўдакімаў атрымаў званьне народнага артыста ў канцы 80-х гадоў, калі быў салістам Дзяржтэлерадыёкампаніі, па просьбе працоўных. І зараз ён спадзяецца, што беларусы правільна зразумеюць яго і не пакрыўдзяцца. Яраслаў Еўдакімаў заявіў, што 9 верасьня абавязкова прыйдзе на выбарчы вучастак у Менску, каб аддаць свой голас за адзінага кандыдата ад шырокай грамадзянскай кааліцыі Ўладзімера Ганчарыка.
!["Яраслаў]("/g/Deals/evdokimov.gif")
, iнформэр
