Місія БДІПЧ вымушана весьці ў Беларусі толькі абмежванае назіраньне :: Хартыя'97 :: Навiны

Місія Бюро дэмакратычных інстытутаў і правоў чалавека, якая назірае за выбарчай кампаніяй Беларусі, вымушана зьмяніць свой назоў. Падкрэсьліваецца, што місія вядзе толькі абмежаванае назіраньне за выбарамі. Такім чынам, назва місіі гучыць менавіта так: “Місія бюро дэмакратычных існстытутаў і правоў чалавека АБСЭ ў абмежаваным назіраньні за прэзыдэнцкімі выбарамі Беларусі”. Такое ўдакладненьне тлумачыцца тым, што за непасрэдным назіраньнем міжнародных экспертаў засталіся важныя кампаненты выбарчай кампаніі.

“Мы прапусьцілі ўвесь працэс збору подпісаў кандыдатамі, мы прапусьцілі працэс рэістрацыі, мы прапусьцілі ўсе спрэчкі і апеляцыі, якія зьяўляліся падчас працэсу рэгістрацыі кандыдатаў, прапусьцілі першы тыдзень з чатырох выбарчай кампаніі. Усё гэта надзвычай важныя элементы назіраньня ў любой краіне, ня толькі ў Беларусі”, – заявіў Радыё Свабода глава місіі БДІПЧ АБСЭ сп.Бальян.

Місія працягвае спробы атрыманьня візаў для двух асноўных, па словах Граера Бальяна, супрацоўнікаў місіі – Эндру Бруса і Браяна Бонара, якім беларускія ўлады адмовілі ва ўязных візах.