Напярэдадні выбараў Лукашэнка рызыкуе сапсаваць адносіны з Кітаем :: Хартыя'97 :: Навiны

Прымаючы афіцыйную дэлегацыю зь Менску, прэм’ер-міністар Тайваню Чжан Цзюнсунь заклікае Беларусь адкрыць прадстаўніцтва ў Тайбэі . Чжан Цзюнсунь паведаміў главе дэлегацыі першаму намесьніку міністра фінансаў Беларусі Мікалаю Румасу, што Тайвань спадзяецца на выкананьне Падпісанага Менскам яшчэ ў 1996 пратаколу аб адкрыцці прадстаўніцтва ў Тайбэі. У адказ Мікалай Румас заклікаў Тайвань працягваць дапамогу Беларусі ў пераадоленьні эканамічнай крызы.

Прадстаўніцтва Тайбэю ў Менску было адчынена 1 чэрвеня 1996 году, праз паўгады пасьля падпісаньня пратаколу, і Рэспубліка Кітай (саманазва Тайваню) прадставіла Беларусі крэдыт на суму ў 35 мільёнаў даляраў.

Як паведамляе афіцыйнае цэнтральнае інфармагенцтва Тайваню: “Румас выказаў удзячнасьць Рэспубліцы Кітай за дапамогу ягонай краіне за пяць гадоў і папрасіў аб новых крэдыдах, каб дапамагчы краіне, якая мае патрэбу ў валюце”.

Па словах М.Румаса, калапс Савецкага Саюзу ў 1991 годзе цяжка паўплываў на абаронную прамысловасьць, якая была асноваю эканомікі рэспублікі.

У амбасадзе Кітайскай Народнай Рэспублікі ў Менску адмовіліся даць "Ю.С.Ньюс" афіцыйны камэнтар да паведамленьня з Тайбэю, однак неафіцыйна выказалі зьдзіўленьне такімі дзеяньнямі беларускага ўрадавага чыноўніка на Тайване. Праблема Тайваню вельмі хвалюе кантынентальны Кітай, асабліва пасьля ўз’яднаньня з КНР Ганконгу і Макао.