Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЦВК пагражае Ганчарыку адменаю рэгістрацыі кандыдатам у прэзыдэнты 11:14, 27/08/2001
Цэнтрвыбаркам выступіў з перасьцярогаю ў адрас выбарчага штабу адзінага кандыдадата ў прэзыдэнты Беларусі Ўладзімера Ганчарыка. 27 жніўня на паседжаньні ЦВК былі разгледжаныя матэр’ялы, якія сьведчаць пра парушэньні выбарчага заканадаўства з боку каманды Ганчарыка. У якасьці сьведчаньняў былі прадстаўленыя факты масавай бясплатнай раздачы выбаршчыкам незалежных газэтаў “Наша свабода”, “Рабочы”, “Беларуская маладзёжная”, “День”. Раздачу незалежнай прэсы Цэнтрвыбаркам расцэньвае як подкуп выбаршчыкаў.
Цэнтрвыбаркам зьвярнуў увагу таксама на агітацыйныя ўлёткі кандыдата, якія ня маюць выходных дадзеных; распаўсюд улётак незарэгістраванага руху “За новую Беларусь”, што ўтрымоваюць заклік падтрымаць адзінага кандыдата. Пакуль члены ЦВК абмежаваліся рэкамэндацыямі штабу кандыдата “захоўваць выбарчае заканадаўства”. Па словах главы Цэнтрвыбаркаму Лідзіі Ярмошынай, гэтая мера зьяўляецца “прэвентыўнай”: калі становішча ня выправіцца, ЦВК вынясе папярэджаньне. Паўторнае папярэджэньне, сказала Лідзія Ярмошына, можа стаць падставаю для адмены рэгістрацыі Ўладзімера Ганчарыка кандыдатам у прэзыдэнты.
, iнформэр
