Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У выбарах прэзыдэнта Беларусі будуць прымаць удзел 81% менчукоў 11:12, 28/08/2001
81 адсотак жыхароў Менску зьбіраюцца прымаць удзел у выбарах прэзыдэнта Беларусі. Такія дадзеныя апытаньня, праведзенага сацыёлягамі службы “Зеркало” інфармацыйнай кампаніі БелаПАН 23-26 жніўня, падчас якога былі апытаныя 500 менчукоў ва ўзросьце 18 гадоў і старэй. 15 адсоткаў рэспандэнтаў заявілі, што ня будуць прымаць удзелу ў выбарах 9 верасьня, а 4 адсоткам цяжка было спрагназаваць свае дзеяньні.
Для параўнаньня варта зазначыць, што за час аналягічнага вывучэньня грамадзкай думкі выбаршчыкаў Менску, праведзенага тыдзень таму (14-17 жніўня), аб жаданьні прымаць удзел у прэзыдэнцкіх выбарах заявілі 79 адсоткаў апытаных. 13 адсоткаў указалі, што ня будуць прымаць удзелу ў выбарах, а 8 адсоткам рэспандэнтаў цяжка было адказаць.
Адказы на пытаньне “Ці зьбіраецеся Вы галасаваць на прэзыдэнцкіх выбарах датэрмінова ці непасрэдна ў дзень выбараў?” паказалі, што, як і тыдзень таму, толькі 6 адсоткаў менчукоў маюць намер прагаласаваць датэрмінова. У дзень выбараў (тыдзень таму такіх было 72 адсоткі). 18 адсоткаў апытаных жыхароў беларускай сталіцы (22 адсоткі – па выніках папярэдняга апытаньня) цяжка было даказаць на прапанаванае пытаньне.
, iнформэр
