Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Большасьць менчукоў гатовыя прагаласаваць за Ўладзімера Ганчарыка 11:15, 28/08/2001
38 адсоткаў выбаршчыкаў Менску гатовыя сёньня аддаць свае галасы Ўладзімеру Ганчарыку, 32 адсоткі – Аляксандру Лукашэнку і 8 адсоткаў – Сяргею Гайдукевічу. Такія зьвесткі атрыманыя падчас зандажу грамадзкай думкі, праведзенага 23-26 жніўня супрацоўнікамі сацыялягічнай службы “Зеркало” інфармацыйнай кампаніі БелаПАН сярод 500 жыхароў беларускай сталіцы 18 гадоў і старэй. 12 адсоткаў менчукоў гатовыя прагаласаваць супраць усіх кандыдатаў у прэзыдэнты, а 10 адсоткам цяжка было адказаць на пытаньне “За каго з трох кандыдатаў у прэзыдэнты Беларусі Вы аддалі б свой голас, калі б выбары праходзілі сёньня?”.
Пры наяўнасьці ў бюлетэні для галасаваньня толькі прозьвішчаў Ганчарыка й Лукашэнкі лідэр Федэрацыі прафсаюзаў Беларускай мог бы атрымаць 44 адсоткі галасоў выбаршчыкаў-менчукоў, у той час як дзейны прэзыдэнт – 32 адсоткі. 17 адсоткаў рэспандэнтаў гатовыя галасаваць супраць абоіх прэтэндэнтаў, а 7 адсоткам апытаных менчукоў цяжка было спрагназаваць свае дзеяньні ў такой сытуацыі.
Варта зазначыць, што ўпершыню за час знаходжаньня Аляксандра Лукашэнкі на пасту прэзыдэнта Беларусі ягоны рэйтынг выбаркі па Менску перакрыты аналягічным рэйтынгам палітыка Ўладзімера Ганчарыка.
, iнформэр
