Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гэльсынкскі камітэт зноў папярэджвае аб небясьпечнасьці фальсыфікацыі выбараў 11:03, 29/08/2001
У Беларускі Гэльсынкскі камітэт трапляе інфармацыя аб прымушэньні службовымі асобамі старшыняў выбарчых камісыяў да фальсыфікацыі вынікаў выбараў прэзыдэнта Беларусі. Так, у Віцебскае адзьдзяленьне БГК зьвярнуліся старшыні двух учвстковых камісіяў па выбарах прэзыдэнта і паведамілі пра тое, што з імі правялі індывідуальныя размовы людзі, якія займаюць пасады ва ўласных структурах, аб “неабходнасьці падмены выбарчых бюлетэняў у урнах падчас датэрміновага галасаваньня”. Падмену сказалі праводзіць асабіста, пажадана штодзённа і ў начны час. Старшыні камісіяў папарасілі ўзмоцніць назіраньне на вучастках у дзённы час і, па магчымасьці, прысутнічаць уначы.
БГК падкрэсьлівае недапушчальнасьць уціску на выбарчыя камісіі і нагадвае членам камісіяў па выбарах прэзыдэнта Рэспублікі Беларусь аб адказнасьці, прадугледжанай за фальсыфікацыю выбараў.
БГК прапануе дапусьціць назіральнікаў да апячаткі скрыняў для галасаваньня, што дазволіць старшыням выбарчых камісіяў пазьбегнуць уціску з боку асобаў, зацікаўленых у фальсыфікацыі выбараў. І не зьдзяйсьняць злачынстваў, за якія прадугледжана адказнасьць арт.192 Крымінальнага кодэксу.
, iнформэр
